തുലാമാസ പൂജകൾക്കായി ശബരിമല നടതുറന്നു; മുഖ്യമന്ത്രി വി ഡി സതീശൻ സന്നിധാനത്ത്

OCTOBER 17, 2026, 7:52 AM

പത്തനംതിട്ട: തുലാമാസ പൂജകൾക്കായി ശബരിമല നട തുറന്നു. സന്നിധാനത്ത് വൻ ഭക്തജനത്തിരക്കാണ് അനുഭവപ്പെടുന്നത്. പമ്പയിലെ അവലോകനയോഗത്തിനുശേഷം മുഖ്യമന്ത്രി വി ഡി സതീശൻ ശബരിമല സന്നിധാനത്ത് ദർശനത്തിനെത്തി.

ശബരിമലയിൽ അടുത്ത തീർത്ഥാടന സീസൺ മുതൽ തിരുപ്പതി മോഡൽ നടപ്പാക്കുമെന്ന് മുഖ്യമന്ത്രി പറഞ്ഞു.അരവണ ക്ഷാമം ഉൾപ്പെടെയുള്ള പ്രശ്നങ്ങൾ ഒന്നും ഈ സീസണിൽ ഉണ്ടാകില്ലെന്ന് ദേവസ്വം ബോർഡ്‌ പ്രസിഡന്റ്‌ ഉറപ്പ് നൽകിയെന്നും മുഖ്യമന്ത്രി വി ഡി സതീശൻ മാധ്യമങ്ങളോട് പ്രതികരിച്ചു.

കഴിഞ്ഞ തീർഥാടനകാലങ്ങളിലുണ്ടായ പരാതികളും തുലാമാസ പൂജകൾക്കിടെ നേരിട്ട പ്രതിസന്ധികളും കണക്കിലെടുത്ത് ഇത്തവണ മുന്നൊരുക്കങ്ങൾക്ക് സർക്കാർ പ്രത്യേക പ്രാധാന്യം നൽകുന്നുണ്ട്. യുഡിഎഫ് സർക്കാർ അധികാരമേറ്റ ശേഷമുള്ള ആദ്യ മകരവിളക്ക് സീസണായതിനാൽ ക്രമീകരണങ്ങളിൽ വീഴ്ചയുണ്ടാകരുതെന്ന നിർദേശത്തിന്റെ ഭാഗമായാണ് മുഖ്യമന്ത്രിയുടെ സന്ദർശനം.