ഓച്ചിറയിൽ സ്വകാര്യ ബസും കാറും കൂട്ടിയിടിച്ചു; 27കാരിക്ക് ദാരുണാന്ത്യം; രണ്ടുവയസുകാരി ഉൾപ്പെടെ നിരവധി പേർക്ക് പരിക്ക്

JULY 6, 2026, 6:51 AM

കൊല്ലം: ഓച്ചിറയിൽ സ്വകാര്യ ബസും കാറും കൂട്ടിയിടിച്ചുണ്ടായ അപകടത്തിൽ 27കാരിക്ക് ദാരുണാന്ത്യം. കൊടുമൺ നിലമേൽ മേലതിൽ രാജന്റെ ഭാര്യയായ അമൃതയാണ് മരിച്ചത്.

അപകടത്തിൽ അമൃതയുടെ ഭർതൃമാതാവ് പത്മാവതി (60), ഭർതൃസഹോദരി അർച്ചന (24), രണ്ടുവയസുകാരിയായ മകൾ മിലോനി, കാർ ഡ്രൈവറായ മുണ്ടക്കയം സ്വദേശി സാംസൺ (29) എന്നിവർക്ക് പരിക്കേറ്റു. ഇവരെ കരുനാഗപ്പള്ളിയിലെ സ്വകാര്യ ആശുപത്രിയിൽ പ്രവേശിപ്പിച്ചു. മിലോനിയുടെ നില ഗുരുതരമാണെന്നാണ് വിവരം.

ബസിലുണ്ടായിരുന്ന യാത്രക്കാരായ ലീലാമണി (50), പൂജ ബിജു (18), പത്മകുമാരി (50), ഷൈജ ബീഗം (44), നജീബ് (65), രജനി (34) എന്നിവർക്കും പരിക്കേറ്റിട്ടുണ്ട്. ഇവർ ഓച്ചിറയിലെ പരബ്രഹ്മ ആശുപത്രിയിൽ ചികിത്സയിലാണ്.