‘ഒരു രൂപയ്ക്ക് ഒരു കിലോ പുട്ടുപൊടി’; തെരഞ്ഞെടുപ്പിനോടനുബന്ധിച്ച് വമ്പൻ ഓഫർ പ്രഖ്യാപിച്ച് സപ്ലൈകോ

APRIL 1, 2026, 7:59 AM

തിരുവനന്തപുരം: തെരഞ്ഞെടുപ്പിനോടനുബന്ധിച്ച് വമ്പൻ ഓഫർ പ്രഖ്യാപിച്ച് സപ്ലൈകോ.ഏപ്രിൽ 9 – ന് നടക്കുന്ന ജനാധിപത്യത്തിൻ്റെ ഉത്സവത്തിൽ പങ്കാളിയാകുന്നവർക്ക് ഒരു കിലോ പുട്ടുപൊടി ഒരു രൂപയ്ക്ക് ലഭിക്കുന്നതാണ് പുതിയ ഓഫർ.

ഈ ഓഫർ ഏപ്രിൽ 10, 11 തീയതികളിൽ സപ്ലൈകോ വില്പനശാലകളിൽ ലഭിക്കുമെന്നും അറിയിച്ചു. ഇതിനായി ആയിരം രൂപയ്ക്ക് മുകളിൽ സബ്‌സിഡിയിതര സാധനങ്ങൾ വാങ്ങിയാൽ മാത്രം മതിയാകും.

ഫേസ്ബുക്ക് പോസ്റ്റിന്റെ പൂർണ രൂപം:

ഏപ്രിൽ 9 – ന് നടക്കുന്ന ജനാധിപത്യത്തിൻ്റെ ഉത്സവത്തിൽ പങ്കാളിയാവൂ.

വോട്ടു ചെയ്യൂ , പുട്ടടിക്കൂ. … ഏപ്രിൽ 10, 11 തീയതികളിൽ സപ്ളൈകോ വില്പനശാലകൾ സന്ദർശിക്കൂ. വോട്ടു ചെയ്തവർക്ക് പ്രത്യേക അഭിനന്ദന സമ്മാനങ്ങളുമായി സപ്ളൈകോ കാത്തിരിക്കുന്നു.

വോട്ടു ചെയ്തവർക്ക് ഒരു രൂപയ്ക്ക് ഒരു കിലോ ശബരി പുട്ടുപൊടി!

നിബന്ധന : ആയിരം രൂപയ്ക്ക് മുകളിൽ സബ്‌സിഡിയിതര സാധനങ്ങൾ വാങ്ങുന്ന, തിരഞ്ഞെടുപ്പിൽ വോട്ടു ചെയ്ത, ഉപഭോക്താക്കൾക്ക് മാത്രം