പുതുവർഷത്തിൽ കുതിച്ചുപാഞ്ഞ് കൊച്ചി മെട്രോ; ഒറ്റ ദിവസം യാത്ര ചെയ്തത് 1.39 ലക്ഷം യാത്രക്കാർ

JANUARY 1, 2026, 10:20 PM

കൊച്ചി: പ്രതിദിന വരുമാനത്തിൽ എക്കാലത്തെയും വലിയ റെക്കോർഡ് സ്വന്തമാക്കി കൊച്ചി മെട്രോ. നഗരത്തിലെ പുതുവത്സര ആഘോഷങ്ങളുടെ ഭാഗമായി മെട്രോ സർവീസുകൾ ഉപയോഗപ്പെടുത്തിയവരുടെ എണ്ണത്തിലുണ്ടായ വർദ്ധനവാണ് ഈ ചരിത്രനേട്ടത്തിന് പിന്നിൽ.

കൊച്ചി മെട്രോയുടെ ചരിത്രത്തിലെ ഏറ്റവും ഉയർന്ന പ്രതിദിന വരുമാനമാണ് പുതുവത്സര തലേന്ന് രേഖപ്പെടുത്തിയത്. നഗരത്തിലെ പുതുവത്സരാഘോഷങ്ങളിൽ പങ്കെടുക്കാൻ എത്തിയവർക്ക് മെട്രോ പ്രധാന യാത്രാ ഉപാധിയായി മാറി. ഇതോടെ സ്റ്റേഷനുകളിൽ വൻ തിരക്കാണ് അനുഭവപ്പെട്ടത്. ആഘോഷങ്ങൾ പ്രമാണിച്ച് രാത്രി വൈകിയും സർവീസുകൾ നീട്ടിയത് യാത്രക്കാർക്ക് ഏറെ സഹായകരമായി.

കെ.എം.ആർ.എൽ (KMRL) നടപ്പിലാക്കിയ പ്രത്യേക ക്രമീകരണങ്ങളും ആസൂത്രണവുമാണ് ഇത്രയും വലിയൊരു ജനക്കൂട്ടത്തെ ഉൾക്കൊള്ളാനും വരുമാനത്തിൽ നേട്ടമുണ്ടാക്കാനും സഹായിച്ചത്.പുതുവത്സരാഘോഷങ്ങളുടെ ഭാഗമായി കൊച്ചി മെട്രോ ട്രെയിൻ സർവീസുകൾ ഇന്നലെ പുലർച്ചെ രണ്ട് വരെ നീട്ടിയിരുന്നു.

ഇന്നലെ മാത്രം 1,61,683 പേരാണ് ബുധനാഴ്ച കൊച്ചി മെട്രോ റെയിൽ, ഇലക്ട്രിക് ഫീഡർ ബസ്, കൊച്ചി വാട്ടർമെട്രോ തുടങ്ങി മെട്രോയുടെ വിവിധ സേവനങ്ങൾ ഉപയോഗിച്ചത്. ഇതിൽ 1,39,766 പേരും മെട്രോ ട്രെയിനുകളിൽ ആണ് യാത്ര ചെയ്തത്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്