കൊച്ചി: ഇറാൻ–ഇസ്രയേൽ–അമേരിക്ക സംഘർഷത്തിന്റെ പശ്ചാത്തലത്തിൽ കേരളത്തിലേക്കും കേരളത്തിൽ നിന്നുമുള്ള നിരവധി അന്താരാഷ്ട്ര വിമാന സർവീസുകൾ റദ്ദാക്കി. ഗൾഫ് രാജ്യങ്ങളിലേക്കും അവിടെ നിന്ന് വരാനിരുന്ന സർവീസുകളിലുമാണ് പ്രധാനമായും മാറ്റം ഉണ്ടായത്.

കണ്ണൂർ വിമാനത്താവളം

കണ്ണൂർ അന്താരാഷ്ട്ര വിമാനത്താവളം വഴി ഗൾഫ് രാജ്യങ്ങളിൽ നിന്ന് എത്തേണ്ട ആറു സർവീസുകളും ഗൾഫിലേക്കുള്ള ഏഴ് സർവീസുകളും റദ്ദാക്കി. അബുദാബി, ദുബൈ, റിയാദ്, മസ്കറ്റ് എന്നിവിടങ്ങളിലേക്കുള്ള സർവീസുകളാണ് പ്രധാനമായും ബാധിച്ചത്.

കൊച്ചി വിമാനത്താവളം

കൊച്ചി അന്താരാഷ്ട്ര വിമാനത്താവളത്തിൽ നിന്ന് പുറപ്പെടേണ്ട 16 സർവീസുകളും തിരിച്ചുള്ള എട്ട് സർവീസുകളും റദ്ദാക്കി. ദുബൈ, അബുദാബി, ഷാർജ, കുവൈത്ത്, ദോഹ, ബഹ്റൈൻ എന്നിവിടങ്ങളിലേക്കുള്ള വിമാനങ്ങളാണ് ഇതിൽ ഉൾപ്പെട്ടത്.

തിരുവനന്തപുരം വിമാനത്താവളം

തിരുവനന്തപുരം അന്താരാഷ്ട്ര വിമാനത്താവളത്തിൽ നിന്ന് മിഡിൽ ഈസ്റ്റിലേക്കും തിരിച്ചും ഇതുവരെ 37 സർവീസുകൾ റദ്ദാക്കിയതായി അധികൃതർ അറിയിച്ചു. ഇന്ന് മാത്രം 26 സർവീസുകളും ഇന്നലെ 11 സർവീസുകളും റദ്ദാക്കി.

വിവിധ അന്താരാഷ്ട്ര വിമാനക്കമ്പനികളുടെ സർവീസുകളാണ് താൽക്കാലികമായി നിർത്തിവച്ചത്. ഷാർജ, ബഹ്റൈൻ, കുവൈത്ത്, അബുദാബി, ദോഹ, ദുബൈ, ദമാം, മസ്കറ്റ് തുടങ്ങിയ പ്രധാന നഗരങ്ങളിലേക്കുള്ള സർവീസുകളാണ് റദ്ദാക്കൽ പട്ടികയിൽ ഉൾപ്പെട്ടിരിക്കുന്നത്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്