വയനാട് മെഡിക്കൽ കോളേജ് നിർമാണം ഉടൻ തുടങ്ങും; അംഗീകാരം നഷ്ടമാകാൻ അനുവദിക്കില്ലെന്ന് ആരോഗ്യമന്ത്രി

JULY 3, 2026, 5:15 AM

വയനാട്: വയനാട് മെഡിക്കൽ കോളേജിന്റെ നിർമാണ പ്രവർത്തനങ്ങൾ അടിയന്തരമായി ആരംഭിക്കുമെന്ന് ആരോഗ്യമന്ത്രി കെ. മുരളീധരൻ. ഒരു വർഷത്തിനുള്ളിൽ നടപടികൾ പൂർത്തിയാകാത്തപക്ഷം മെഡിക്കൽ കോളേജിന്റെ അംഗീകാരം നഷ്ടമാകാനുള്ള സാഹചര്യമുണ്ടെന്നും അത് ഉണ്ടാകാൻ സർക്കാർ അനുവദിക്കില്ലെന്നും മന്ത്രി വ്യക്തമാക്കി.

മെഡിക്കൽ കോളേജ് മാനന്തവാടിയിൽ തന്നെ സ്ഥാപിക്കാനാണ് സർക്കാരിന്റെ ആദ്യ പരിഗണനയെന്ന് മന്ത്രി പറഞ്ഞു. അവിടെ ആവശ്യമായ സ്ഥലം ലഭ്യമാകാത്ത സാഹചര്യമുണ്ടായാൽ മാത്രമേ മറ്റ് സ്ഥലങ്ങൾ പരിഗണിക്കുകയുള്ളുവെന്നും അദ്ദേഹം കൂട്ടിച്ചേർത്തു.

മടക്കിമലയിൽ സൗജന്യമായി ലഭിച്ച ഭൂമി ആശുപത്രി ആവശ്യങ്ങൾക്കായാണ് ഉപയോഗിക്കുകയെന്നും മന്ത്രി വ്യക്തമാക്കി.

അതേസമയം, ആലപ്പുഴ വണ്ടാനം മെഡിക്കൽ കോളേജിൽ അനധികൃത നിയമനം നടന്നുവെന്ന മുൻമന്ത്രി ജി. സുധാകരന്റെ ആരോപണത്തിലും മന്ത്രി പ്രതികരിച്ചു. പരാതിയുടെ അടിസ്ഥാനത്തിൽ ഈ മാസം 18-ന് വണ്ടാനം മെഡിക്കൽ കോളേജ് നേരിട്ട് സന്ദർശിച്ച് പരിശോധന നടത്തുമെന്നും, പരിശോധന പൂർത്തിയാക്കിയ ശേഷം ആവശ്യമായ തുടർനടപടികൾ സ്വീകരിക്കുമെന്നും ആരോഗ്യമന്ത്രി അറിയിച്ചു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്