ട്രെയിനിനുള്ളിൽ യുവതി ടിടിഇയെ മർദ്ദിച്ചെന്ന് പരാതി

JULY 20, 2026, 11:43 PM

ഷൊർണൂർ: ട്രെയിനിനുള്ളിൽ ടിടിഇ ക്ക് മർദ്ദനമേറ്റെന്ന് പരാതി. ജനറൽ ടിക്കറ്റെടുത്ത് റിസർവേഷൻ കോച്ചിൽ യാത്രചെയ്തത് ചോദ്യം ചെയ്തതിന് യുവതി ടിടിഇയെ മർദ്ദിച്ചെന്നാണ് പരാതി

പട്ടിത്തറ സ്വദേശിനി ശ്രുതി(30)ക്കെതിരെയാണ് പാലക്കാട് ഡിവിഷനിലെ ഷൊർണ്ണൂർ ടീമിലെ ടിടിഇ എസ് സുജിത്(38) പരാതി നൽകിയത്.

മംഗളൂരു-തിരുവന്തപുരം എക്‌സ്പ്രസ്സിൽ ജനറൽ ടിക്കറ്റെടുത്ത് റിസർവേഷൻ കോച്ചിൽ യാത്ര ചെയ്യുകയായിരുന്നു യുവതി.

ഫറോക്കിൽ നിന്നും കുറ്റിപ്പുറത്തേക്ക് ജനറൽ കംപാർട്ട്‌മെന്റിൽ ടിക്കറ്റെടുത്ത യുവതി റിസർവേഷൻ കോച്ചിൽ കയറി ഇരുന്നു.

എന്നാൽ പരിശോധനയ്ക്കിടെ പാലക്കാട് ഡിവിഷനിലെ ടി ടി ഇ സുജിത്ത് ടിക്കറ്റ് ആവശ്യപ്പെടുകയായിരുന്നു. യുവതിയോട് ഇത് റിസർവേഷൻ കോച്ചാണെന്നും ജനറൽ കോച്ചിലേക്ക് മാറി ഇരിക്കണമെന്നും ആവശ്യപ്പെട്ടെങ്കിലും യുവതി തർക്കിക്കുകയും തുടർന്ന് മർദ്ദിക്കുകയുമായിരുന്നു എന്നാണ് പരാതി.