സിഎൻജി വിലയിലും വർധനവ്; പതിനൊന്ന് ദിവസത്തിനിടെ കൂട്ടിയത് 6 രൂപ

MAY 25, 2026, 9:55 PM

ഇന്ധന വില വർധനവിനൊപ്പം സിഎൻജി വിലയിലും വർധനവ്. കഴിഞ്ഞ 11 ദിവസത്തിനിടെ സിഎൻജിക്ക് കൂട്ടിയത് 6 രൂപയാണ്. തുടർച്ചയായി നാലാം തവണയാണ് വില വർധിപ്പിക്കുന്നത്.വില കൂട്ടിയതിന് പിന്നാലെ ഡൽഹിയിൽ ഇന്ന് ഒരു കിലോ സിഎൻജിയുടെ വില 83.09 രൂപയായി.

രാജ്യത്ത് പെട്രോൾ-ഡീസൽ വില ഇന്നലെ വീണ്ടും കൂട്ടിയിരുന്നു. ഇന്നലെ പെട്രോളിന് 2.61 രൂപയും ഡീസലിന് 2.71 രൂപയും കൂട്ടിയതോടെ തിരുവനന്തപുരത്ത് പെട്രോൾ വില 115.32 രൂപയും ഡീസൽ വില 104.41 രൂപയും ആയി ഉയർന്നിരുന്നു.

പശ്ചിമേഷ്യൻ സംഘർഷത്തെ തുടർന്ന് അന്താരാഷ്ട്ര വിപണിയിലെ അസംസ്കൃത എണ്ണ വിലയിലുണ്ടായ വലിയ വ്യതിയാനങ്ങളും ഡോളറിനെതിരെ രൂപയുടെ മൂല്യത്തകർച്ചയുമാണ് തുടർച്ചയായ വിലവർധനവിന് കാരണകുന്നതെന്നാണ് എണ്ണക്കമ്പനികൾ വ്യക്തമാക്കുന്നത്.