‘സ്വാമിയേ ശരണമയ്യപ്പാ, എന്നെ വിട്ടേക്കൂ’; മാധ്യമപ്രവർത്തകരുടെ ചോദ്യങ്ങളിൽ നിന്ന് ഒഴിഞ്ഞുമാറി നടൻ ജയറാം

JANUARY 31, 2026, 2:43 AM

തിരുവനന്തപുരം: ശബരിമല സ്വർണക്കൊള്ള കേസുമായി ബന്ധപ്പെട്ട മാധ്യമപ്രവർത്തകരുടെ ചോദ്യങ്ങളിൽ നിന്ന് ഒഴിഞ്ഞുമാറി നടൻ ജയറാം. ആവർത്തിച്ചുള്ള ചോദ്യങ്ങൾക്ക് മറുപടിയായി ‘സ്വാമിയേ ശരണമയ്യപ്പാ, എന്നെ വിട്ടേക്കൂ’ എന്ന് പറഞ്ഞാണ് അദ്ദേഹം പ്രതികരിച്ചത്.

അതേസമയം ശബരിമല സ്വർണക്കൊള്ള കേസിൽ ജയറാമിന് എസ്ഐടി നേരത്തെ ക്ലീൻചിറ്റ് നൽകിയിരുന്നു. സ്വർണക്കൊള്ളയുമായി അദ്ദേഹത്തിന് യാതൊരു ബന്ധവും ഇല്ലെന്നും പ്രതികളുമായി സാമ്പത്തിക ഇടപാടുകളൊന്നും കണ്ടെത്താനായിട്ടില്ലെന്നും അന്വേഷണസംഘം വ്യക്തമാക്കിയിരുന്നു. ജയറാമിനെ തെറ്റിദ്ധരിപ്പിച്ചാണ് പോറ്റി ചടങ്ങുകളിൽ പങ്കെടുപ്പിച്ചതെന്നും അന്വേഷണത്തിൽ വ്യക്തമായിരുന്നു.

ഇനി ജയറാമിനെ ചോദ്യം ചെയ്യേണ്ടതില്ലെന്നും അന്വേഷണസംഘം അറിയിച്ചു. കേസിൽ ജയറാമിനെ പ്രധാന സാക്ഷികളിൽ ഒരാളായി പരിഗണിക്കുമെന്നും എസ്ഐടി അറിയിച്ചു.