മാധ്യമപ്രവർത്തകർക്ക് നേരെ നഗ്നതാ പ്രദർശനം; കാപ്പ കേസ് പ്രതി അറസ്റ്റിൽ

NOVEMBER 8, 2026, 7:56 PM

കൊല്ലം: മാധ്യമപ്രവർത്തകർക്ക് നേരെയും നഗ്നതാ പ്രദർശനം. സ്ത്രീയെ അശ്ലീലം പറയുകയും ആക്രമിക്കാൻ ശ്രമിക്കുകയും ചെയ്ത കേസിൽ പ്രതിയായ 'നിക്കർ ബിനു' എന്ന ബിനുവിനെ അഞ്ചൽ പൊലീസ് അറസ്റ്റ് ചെയ്തിരുന്നു.

ഈ കേസിൽ കോടതിയിൽ കൊണ്ടുപോകാനായി പൊലീസ് സ്റ്റേഷനിൽനിന്നും പുറത്തേക്ക് ഇറക്കുമ്പോഴാണ് ദൃശ്യം പകർത്തിയ മാധ്യമപ്രവർത്തകർക്ക് നേരെ ബിനു നഗ്നതാ പ്രദർശനം നടത്തുകയും അസഭ്യം പറയുകയും ചെയ്തത്. പിന്നാലെ ബിനുവിനെ പൊലീസ് കോടതിയിൽ ഹാജരാക്കി റിമാൻഡ് ചെയ്തു.

അഞ്ചൽ ഇടയം സ്വദേശിയായ ബിനുവിനെ 2025 ൽ കാപ്പ നിയമപ്രകാരം നാട് കടത്തിയിരുന്നു. എന്നാൽ ബിനു വിലക്ക് ലംഘിച്ച് ജില്ലയിൽ പ്രവേശിക്കുകയും കുറ്റകൃത്യങ്ങളിൽ ഏർപ്പെടുകയും ചെയ്തു.