ലഡ്ഡാക്: ലോകത്തിലെ ഏറ്റവും ഉയര്‍ന്ന പ്രദേശങ്ങളില്‍ ഒന്നായ സോജില പാസ്, 32 ദിവസത്തെ അടച്ചിടലിന് ശേഷം ചൊവ്വാഴ്ച പ്രവര്‍ത്തനത്തിനായി വീണ്ടും തുറന്നു. ലഡാക്കിനെ കശ്മീര്‍ താഴ്വരയുമായും ഇന്ത്യയുടെ മറ്റ് ഭാഗങ്ങളുമായും ബന്ധിപ്പിക്കുന്ന തന്ത്രപരമായ പാതയാണിത്.  

ഈ വര്‍ഷം, ഫെബ്രുവരി 27 മുതല്‍ മാര്‍ച്ച് 16 വരെയാണ് മഞ്ഞുവീഴ്ച കാരണം പാസ് അടച്ചത്. മാര്‍ച്ച് 17 മുതല്‍ മാര്‍ച്ച് 31 വരെ 15 ദിവസത്തിനുള്ളില്‍ ബിആര്‍ഒ മഞ്ഞ് നീക്കം ചെയ്തു. ഏപ്രില്‍ 1 ന് തന്നെ ഗതാഗതം പുനരാരംഭിക്കുകയായിരുന്നു. 

എല്ലാ വര്‍ഷവും, സോജില പാസ്സ് കനത്ത മഞ്ഞുവീഴ്ച മൂലം താല്‍ക്കാലികമായി അടച്ചിടാറുണ്ട്. ഇത് സൈനികരുടെയും അവശ്യസാധനങ്ങളുടെയും നീക്കത്തെ മാത്രമല്ല, വ്യാപാരം, വൈദ്യസഹായം, സാമ്പത്തിക പ്രവര്‍ത്തനങ്ങള്‍ എന്നിവയ്ക്കായി ഈ വഴിയെ ആശ്രയിക്കുന്ന ലഡാക്കിലെ പ്രദേശവാസികളുടെ ദൈനംദിന ജീവിതത്തെയും തടസ്സപ്പെടുത്തുന്നു.

ലെഫ്റ്റനന്റ് ജനറല്‍ രഘു ശ്രീനിവാസന്‍ ആദ്യ വാഹനവ്യൂഹം ഫ്‌ളാഗ് ഓഫ് ചെയ്യുകയും ഗതാഗതം പുനസ്ഥാപിക്കുന്നതില്‍ സൈനികരുടെ ശ്രമങ്ങള്‍ക്ക് അവരെ  അഭിനന്ദിക്കുകയും ചെയ്തു. കാര്‍ഗില്‍ ചീഫ് എക്‌സിക്യൂട്ടീവ് കൗണ്‍സിലര്‍ ഡോ. മുഹമ്മദ് ജാഫര്‍ അഖൂണും ഉദ്ഘാടന ചടങ്ങില്‍ പങ്കെടുത്തു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്