ഗുണ്ടാത്തലവൻ ഗോള്‍ഡി ബ്രാറിന്‍റെ കൂട്ടാളികള്‍ പിടിയില്‍

FEBRUARY 5, 2024, 7:59 AM

അമൃത്സർ: കുപ്രസിദ്ധ ഗുണ്ടാത്തലവൻ ഗോള്‍ഡി ബ്രാറിന്‍റെ മൂന്ന് കൂട്ടാളികള്‍ അറസ്റ്റില്‍. പഞ്ചാബ് പോലീസും കേന്ദ്ര ഏജൻസികളും സംയുക്തമായി നടത്തിയ ഓപ്പറേഷനിലാണ് ഇവരെ പിടികൂടിയതെന്ന് ഡിജിപി ഗൗരവ് യാദവ് പറഞ്ഞു.

പഞ്ചാബില്‍ കൊലപാതകശ്രമം, പിടിച്ചുപറി, കവർച്ച, ആയുധനിയമം എന്നിവയുമായി ബന്ധപ്പെട്ട നിരവധി ക്രിമിനല്‍ കേസുകള്‍ ഇവർക്കെതിരെയുണ്ട്.

പഞ്ചാബിലെ ബാനൂരിലെ കലോളിയ സ്വദേശി ഗുജ്ജർ എന്ന അമൃതപാല്‍ സിംഗ്, ബാനൂരിലെ ദേവിനഗർ അബ്രവ സ്വദേശി കമല്‍പ്രീത് സിംഗ്, ദേരാ ബസിയിലെ അമ്രാല സ്വദേശി പ്രേം സിംഗ് എന്നിവരെയാണ് അറസ്റ്റ് ചെയ്തത്.