ഡൽഹി: കനത്ത കാറ്റിലും മഴയിലും ദില്ലി വിമാനത്താവളത്തിലെ ടെര്മിനല് ഒന്നിലെ മേല്ക്കൂര തകര്ന്നുണ്ടായ അപകടത്തില് ഒരാള് മരിച്ചതായി റിപ്പോർട്ട്. പരിക്കേറ്റ ആറുപേരില് മൂന്നുപേരുടെ നില ഗുരുതരമായി തുടരുകയാണ് എന്നാണ് പുറത്തു വരുന്ന വിവരം.
അപകടത്തില് ഒരാള് മരിച്ചെന്നും പരിക്കേറ്റവരെ ആശുപത്രിയില് പ്രവേശിപ്പിച്ചതായും വ്യോമയാന മന്ത്രാലയം അറിയിച്ചു. മേല്ക്കൂര താഴെയുണ്ടായിരുന്ന കാറുകള്ക്ക് മുകളിലേക്ക് പതിക്കുകയായിരുന്നു. അപകടത്തില് ടാക്സി ഡ്രൈവറാണ് മരിച്ചത്.
ഇന്ന് പുലര്ച്ചെ അഞ്ച് മണിയോടെ ആണ് കനത്ത മഴക്കിടെ ആഭ്യന്തര വിമാന ടെര്മിനലിലെ (ടെര്മിനല് -1) മേല്ക്കൂരയുടെ ഭാഗങ്ങള് തകര്ന്നു വീണത് എന്നാണ് അധികൃതരുടെ വിശദീകരണം. അപകടത്തിൽ നിരവധി കാറുകളാണ് തകര്ന്നത്. കാറുകള്ക്കുള്ളിലുണ്ടായിരുന്നവരാണ് അപകടത്തില്പ്പെട്ടത്. ഫയര്ഫോഴ്സും സിഐഎസ്എഫും എന്ഡിആര്എഫും ചേര്ന്നാണ് രക്ഷാപ്രവര്ത്തനം നടത്തി. മേല്ക്കൂരയ്ക്ക് അടിയില് കുടുങ്ങിയ വാഹനങ്ങള് ഇതുവരെ മാറ്റിയിട്ടില്ല.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്