തിരഞ്ഞെടുപ്പ് കമ്മീഷണർമാരുടെ നിയമനം വിലക്കണം; സുപ്രീം കോടതിയിൽ ഹർജി

MARCH 11, 2024, 2:31 PM

ഡൽഹി: ചീഫ് ഇലക്ഷൻ കമ്മീഷണറെയും മറ്റ് തിരഞ്ഞെടുപ്പ് കമ്മീഷണർമാരെയും നിയമിക്കുന്നതിൽ നിന്ന് കേന്ദ്രസർക്കാരിനെ വിലക്കണമെന്ന് ആവശ്യപ്പെട്ട് സുപ്രീം കോടതിയിൽ ഹർജി. കോൺഗ്രസ് നേതാവ് ജയ താക്കൂറാണ് ഹർജി നൽകിയത്.

അരൂപ് ബാരൻവാൾ വിധിന്യായം അനുസരിച്ച് ഇസിഐയിലെ അംഗങ്ങളെ നിയമിക്കുന്നതിനുള്ള നിർദ്ദേശവും ആവശ്യപ്പെടുന്നു.

തിരഞ്ഞെടുപ്പ് കമ്മീഷണർമാർക്കുള്ള സെലക്ഷൻ പാനലിൽ നിന്ന് ചീഫ് ജസ്റ്റിസിനെ ഒഴിവാക്കിയ 2023 ലെ ചീഫ് ഇലക്ഷൻ കമ്മീഷണറുടെയും മറ്റ് ഇലക്ഷൻ കമ്മീഷണർമാരുടെയും നിയമത്തിൻ്റെ ഭരണഘടനാ സാധുതയെ ചോദ്യം ചെയ്യുന്ന ഹർജികൾ ഇതിനകം സുപ്രീം കോടതിയുടെ പരിഗണനയിലാണ്.

Readmore: ഗോയലിന്റെ രാജിക്ക് പിന്നില്‍ മുഖ്യ തെരഞ്ഞെടുപ്പു കമ്മീഷണറുമായുള്ള അഭിപ്രായ ഭിന്നതയോ?

മാർച്ച് 9 ന്, മുൻ തിരഞ്ഞെടുപ്പ് കമ്മീഷണർ അരുൺ ഗോയൽ തൻ്റെ രാജി പ്രഖ്യാപിച്ചതോടെയാണ് പുതിയ പ്രതിസന്ധി ഉടലെടുത്തത്. അനുപ് ചന്ദ്ര പാണ്ഡെയുടെ വിരമിക്കലും തിരഞ്ഞെടുപ്പ് കമ്മീഷണർ അരുൺ ഗോയലിൻ്റെ അപ്രതീക്ഷിത രാജിയും മൂലമുണ്ടായ ഒഴിവുകളിലേക്ക് മാർച്ച് 15 നകം രണ്ട് തിരഞ്ഞെടുപ്പ് കമ്മീഷണർമാരെ നിയമിക്കുമെന്നാണ് വിവരം.