ന്യൂഡൽഹി: തനിക്ക് ടൈഫോയ്ഡ് ബാധിച്ചതായി കോക്രോച്ച് ജനതാ പാർട്ടി സ്ഥാപകൻ അഭിജീത് ദിപ്കെ അറിയിച്ചു. എന്നാൽ, കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാൻ രാജിവയ്ക്കണമെന്നാവശ്യപ്പെട്ടുള്ള പ്രക്ഷോഭത്തെ തന്റെ രോഗം മന്ദഗതിയിലാക്കില്ലെന്ന് അദ്ദേഹം വ്യക്തമാക്കി.
സമൂഹമാധ്യമത്തിൽ വിഡിയോ പങ്കുവെച്ചുകൊണ്ടാണ് അസുഖവിവരം അറിയിച്ചത്. കഴിഞ്ഞ കുറച്ച് ദിവസങ്ങളായി തനിക്ക് സുഖമില്ലെന്നും നിലവിൽ ചികിത്സയിലാണെന്നും ഡിപ്കെ പറഞ്ഞു.അസുഖം വകവയ്ക്കാതെ, രാജ്യത്തുടനീളം പ്രതിഷേധങ്ങൾ സജീവമായി നിലനിർത്തുന്നതിന് സിജെപി പിന്തുണക്കാരോട് നന്ദി പറഞ്ഞ അദ്ദേഹം, ഈ പ്രസ്ഥാനം തന്റെ ലക്ഷ്യം കൈവരിക്കുമെന്ന് പ്രസ്താവിക്കുകയും ചെയ്തു.
നിങ്ങൾക്കറിയാവുന്നതുപോലെ, കഴിഞ്ഞ കുറച്ചു ദിവസങ്ങളായി എനിക്ക് സുഖമില്ലായിരുന്നു. പരിശോധനാഫലം വന്നപ്പോൾ എനിക്ക് ടൈഫോയിഡ് ആണെന്ന് സ്ഥിരീകരിച്ചുവെന്ന് അദ്ദേഹം പറഞ്ഞു.താൻ ചികിത്സയിലാണെന്നും സിരകളിലൂടെയുള്ള മരുന്ന് (IV) സ്വീകരിക്കുന്നുണ്ടെന്നും ഡിപ്കെ അറിയിച്ചു.ചികിത്സ തുടരുകയാണ്. ദിവസവും എനിക്ക് ഐവി ഡ്രിപ്പുകൾ നൽകുന്നുണ്ട്. എന്നാൽ, രാജ്യത്തുടനീളം സമാധാനപരമായി പ്രതിഷേധിക്കുന്ന എല്ലാ പാറ്റകളോടും ഞാൻ നന്ദി പറയാൻ ആഗ്രഹിക്കുന്നുവെന്നും അദ്ദേഹം പറഞ്ഞു.
തുടർച്ചയായ സമാധാനപരമായ പ്രതിഷേധങ്ങൾ തങ്ങളുടെ പ്രധാന ആവശ്യമായ കേന്ദ്രമന്ത്രി പ്രധാന്റെ രാജി നേടിയെടുക്കാൻ സഹായിക്കുമെന്ന് താൻ വിശ്വസിക്കുന്നതായി ഡിപ്കെ പറഞ്ഞു.ഈ പ്രസ്ഥാനത്തെ ഇത്രയും വലിയ വിജയമാക്കി മാറ്റിയതിന് നിങ്ങൾക്കെല്ലാവർക്കും അഭിനന്ദനങ്ങൾ. ഇത്തരത്തിൽ പ്രതിഷേധം തുടരുകയാണെങ്കിൽ ധർമേന്ദ്ര പ്രധാന്റെ രാജി നമുക്ക് ലഭിക്കുമെന്ന് എനിക്ക് ഉറപ്പുണ്ടെന്നും ദിപ്കെ കൂട്ടിച്ചേർത്തു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260523091046.jpg)
-20201019105234.jpg)
