ഇനി പിന്നോട്ടില്ല, ലോക്‌സഭാ തിരഞ്ഞെടുപ്പിന് മുമ്പ് സിഎഎ നടപ്പാക്കും

FEBRUARY 10, 2024, 2:06 PM

ന്യൂഡൽഹി: ലോക്‌സഭാ തിരഞ്ഞെടുപ്പിന് മുമ്പ് സിഎഎ (പൗരത്വ ഭേദഗതി നിയമം) നടപ്പാക്കുമെന്ന് കേന്ദ്ര ആഭ്യന്തര മന്ത്രി അമിത് ഷാ.

ലോക്‌സഭാ തെരഞ്ഞെടുപ്പിൽ സസ്പെൻസ് ഉണ്ടാകില്ലെന്നും കോൺഗ്രസും പ്രതിപക്ഷ പാർട്ടികളും തങ്ങളുടെ സ്ഥാനം വീണ്ടും പ്രതിപക്ഷത്താണെന്ന് തിരിച്ചറിഞ്ഞിട്ടുണ്ടെന്നും അമിത് ഷാ പറഞ്ഞു.

'ജമ്മുകശ്മീരിന് പ്രത്യേക പദവി നല്‍കുന്ന 370ാം അനുഛേദം ഞങ്ങള്‍ മരവിപ്പിച്ചു. ലോക്സഭ തെരഞ്ഞെടുപ്പില്‍ ജനം 370 സീറ്റ് നല്‍കി ബി.ജെ.പിയെയും 400ലേറെ സീറ്റുകള്‍ നല്‍കി എൻ.ഡി.എയും അനുഗ്രഹിക്കുമെന്നാണ് ഞങ്ങള്‍ കരുതുന്നതെന്നും ഷാ കൂട്ടിച്ചേർത്തു.