ചെന്നൈ: തന്നെ ലൈംഗികമായി പീഡിപ്പിച്ച തമിഴ് ഗാനരചയിതാവ് വൈരമുത്തുവിനൊപ്പം ഒരു പരിപാടിയില്‍ പങ്കെടുത്തതിന് പിന്നാലെ തമിഴ്നാട് മുഖ്യമന്ത്രി എംകെ സ്റ്റാലിന്‍, കോണ്‍ഗ്രസിന്റെ പി ചിദംബരം, മുതിര്‍ന്ന നടന്‍ കമല്‍ഹാസന്‍ എന്നിവര്‍ക്കെതിരെ രൂക്ഷ പ്രതികരണവുമായി ഗായിക ചിന്മയി ശ്രീപാദ.

തമിഴ്നാട്ടിലെ ഏറ്റവും ശക്തരായ ചില പുരുഷന്‍മാര്‍ എന്റെ കരിയറിനെ വര്‍ഷങ്ങളോളം വിലക്കിയപ്പോള്‍ എന്റെ പീഡകനൊപ്പം വേദി പങ്കിടുന്നു. 'മഹാകവിതൈ' എന്ന പുസ്തകത്തിന്റെ പ്രകാശന വേളയില്‍ വൈരമുത്തുവിനൊപ്പം നേതാക്കള്‍ വേദി പങ്കിടുന്ന ചിത്രം പങ്കിട്ടുകൊണ്ട് ശ്രീപാദ ട്വീറ്റ് ചെയ്തു.

2018ല്‍ ഇന്ത്യ മീടു തരംഗത്തിന്റെ കൊടുമുടിയില്‍ നില്‍ക്കെ നൂറുകണക്കിന് സ്ത്രീകള്‍ തങ്ങള്‌ക്കെതിരായ ലൈംഗികാതിക്രമം, ജോലിസ്ഥലത്തെ മോശം പെരുമാറ്റം എന്നിവയുടെ കഥകള്‍ പങ്കുവെക്കാന്‍ മുന്നോട്ടുവന്നിരുന്നു. 39-കാരിയായ ഗായിക വൈരമുത്തുവിനെതിരെ ലൈംഗികാതിക്രമം ആരോപിച്ചിരുന്നു.

സത്യസന്ധരായ ആളുകളെ തടവിലാക്കുമ്പോള്‍ ലൈംഗിക കുറ്റവാളികളെ പ്രോത്സാഹിപ്പിക്കുകയും പിന്തുണയ്ക്കുകയും ചെയ്യുന്ന മുഴുവന്‍ ആവാസവ്യവസ്ഥയും ഈ നിമിഷം മുതല്‍ നശിപ്പിക്കപ്പെടാന്‍ തുടങ്ങട്ടെ, ശ്രീപാദ എഴുതി. എന്റെ ആഗ്രഹം സഫലമാകുന്നതുവരെ ഞാന്‍ പ്രാര്‍ത്ഥിക്കും. എന്തായാലും എനിക്ക് മറ്റൊന്നും ചെയ്യാനില്ല .അവര്‍ കൂട്ടിച്ചേര്‍ത്തു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്