ചർമ്മത്തെപ്പോലെ തന്നെ, സൂര്യന്റെ അൾട്രാവയലറ്റ് രശ്മികൾ  നിങ്ങളുടെ മുടിയുടെ ആരോഗ്യത്തെ ബാധിക്കും. സൂര്യന്റെ അൾട്രാവയലറ്റ് രശ്മികളിൽ ദീർഘനേരം എക്സ്പോഷർ ചെയ്യുന്നത് മുടിയുടെ പ്രോട്ടീൻ നഷ്ടപ്പെടുന്നതിനും, മുടിയുടെ നിറം മങ്ങുന്നതിനും, കൊഴിഞ്ഞുപോകുന്നതിനും കാരണമാകും.

സൂര്യരശ്മികൾ നിങ്ങളുടെ മുടിയിലെ സ്വാഭാവിക എണ്ണകളെ ഇല്ലാതാക്കും. ഇത് ഈർപ്പം നഷ്ടപ്പെടുന്നതിനും മുടി മങ്ങിയതായി കാണപ്പെടുന്നതിനും കാരണമാകും. സൂര്യന്റെ അൾട്രാവയലറ്റ് രശ്മികൾ നിങ്ങളുടെ മുടിയിലെ പ്രോട്ടീൻ ഇല്ലാതാക്കും. പ്രോട്ടീൻ നഷ്ടപ്പെടുമ്പോൾ, നിങ്ങളുടെ മുടി ദുർബലമാകാൻ തുടങ്ങും. ഇത് നിറം മങ്ങുന്നതിനും, മുടി കൊഴിച്ചിൽ, മുടി പൊട്ടുന്നതിനും കാരണമാകും. ഈ സാഹചര്യം ഒഴിവാക്കാൻ, നിങ്ങൾ പുറത്തു പോകുമ്പോൾ ഒരു തൊപ്പി അല്ലെങ്കിൽ സ്കാർഫ് ധരിക്കുക. നിങ്ങളുടെ മുടിയിൽ നേരിട്ട് സൂര്യപ്രകാശം തട്ടുന്നത് ഒഴിവാക്കുക.

മുടി ഈര്‍പ്പമുള്ളതാക്കാന്‍ കണ്ടീഷണറുകള്‍ പതിവായി ഉപയോഗിക്കുക. നല്ല നിലവാരമുള്ള കണ്ടീഷണറുകളും ആഴത്തിലുള്ള കണ്ടീഷനിങ്ങും മാസ്‌കുകളും ഉപയോഗിക്കുന്നത് മുടിയുടെ ജലാംശവും പ്രതിരോധശേഷിയും നിലനിര്‍ത്താന്‍ സഹായിക്കും. ചര്‍മത്തിനെന്ന പോലെ ഇപ്പോള്‍ എസ്പിഎഫ് ഗുണങ്ങള്‍ അടങ്ങിയ കണ്‍ണ്ടീഷണറുകളും സെറവും വിപണിയില്‍ സുലഭമാണ്. മുടിയുടെ സംരക്ഷണത്തിന് ഇതും ഉപയോഗിക്കാവുന്നതാണ്.

ശരീരത്തിന്റെ ആരോഗ്യത്തിന് മാത്രമല്ല, മുടിയുടെ ആരോഗ്യത്തിനും കഴിയ്ക്കുന്ന ഭക്ഷണങ്ങള്‍ ഏറെ പ്രധാനമാണ്. വൈറ്റമിനുകളും പോഷകങ്ങളും അടങ്ങിയ ഭക്ഷണമെന്നത് മുടിയുടെ ആരോഗ്യത്തിന് ഏറെ പ്രധാനമാണ്. മുടി വളരാനും കൊഴിച്ചില്‍ തടയാനും ബയോട്ടിന്‍, പ്രോട്ടീന്‍, വൈറ്റമിന്‍ എ, ബി, ബീറ്റാ കരോട്ടിന്‍ എന്നിവ അത്യാവശ്യമാണ്. ഇവ ശരീരത്തിന് ലഭിയ്ക്കുന്നുണ്ടെന്ന് ഉറപ്പു വരുത്തുക. മത്സ്യം, മാംസ്, ഇലക്കറികള്‍, നട്‌സ്, ബെറികള്‍ എന്നിവയെല്ലാം തന്നെ മുടി കൊഴിച്ചില്‍ തടയാന്‍ ഗുണം ചെയ്യുന്ന ഭക്ഷണ വസ്തുക്കളാണ്. ഇവ ഭക്ഷണത്തില്‍ ഉള്‍പ്പെടുത്തുക.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്