അബുദാബി: യുഎഇയില്‍ നിന്ന് ഇന്ത്യയിലേക്കും തിരിച്ചും യാത്ര ചെയ്യുന്നവര്‍ക്ക് ടിക്കറ്റ് നിരക്കില്‍ 20 ശതമാനം ഇളവുകള്‍ പ്രഖ്യാപിച്ച് യുഎഇയുടെ ദേശീയ വിമാനക്കമ്പനിയായ ഇത്തിഹാദ് എയര്‍വേയ്‌സ്. ഇത്തിഹാദ് ഇന്ത്യയിലേക്ക് സര്‍വീസ് ആരംഭിച്ചതിന്റെ 20-ാം വാര്‍ഷിക ആഘോഷങ്ങളുടെ ഭാഗമായാണ് ഇളവ്.

ഒക്ടോബര്‍ 1 മുതല്‍ 2025 മാര്‍ച്ച് 15 വരെയുള്ള യാത്രയ്ക്കായി ഈ മാസം 21 വരെ ടിക്കറ്റ് ബുക്ക് ചെയ്യുന്നവര്‍ക്കാണ് ഇളവ് ലഭിക്കുക.

ഇത്തിഹാദ് എയര്‍വേയ്‌സ് 2004 സെപ്റ്റംബര്‍ 26നാണ് ഇന്ത്യയിലേക്ക് സര്‍വീസ് ആരംഭിച്ചത്. മുംബൈയിലേക്കായിരുന്നു ആദ്യ സര്‍വീസ്. ഇന്ത്യയിലേക്കുള്ള സര്‍വീസിന്റെ 20-ാം വാര്‍ഷികാഘോഷത്തിന്റെ ഭാഗമായയാണ് നിരക്കിളവുകള്‍. etihad.com വഴി ബുക്ക് ചെയ്യുമ്പോള്‍ ഇന്ത്യയിലേക്കും തിരിച്ചുമുള്ള വിമാനങ്ങള്‍ക്ക് ഇളവ് ലഭിക്കും.

ഇതോടൊപ്പം ഇന്ത്യയിലേക്ക് പുതിയ 2 സര്‍വീസും ഇത്തിഹാദ് പ്രഖ്യാപിച്ചിട്ടുണ്ട്. ഈ മാസം 26-ന് മുംബൈയിലേക്കും ഡിസംബര്‍ 1-ന് ന്യൂഡല്‍ഹിയിലേക്കുമാണ് സര്‍വീസുകള്‍ ആരംഭിക്കുന്നത്. ഇത്തിഹാദിന്റെ തന്ത്രപ്രധാനമായ വിപണിയാണ് ഇന്ത്യയെന്നും ഇന്ത്യയിലേക്ക് സര്‍വീസ് ആരംഭിച്ചതിന്റെ 20 വര്‍ഷം ആഘോഷിക്കുന്നതില്‍ അങ്ങേയറ്റം അഭിമാനമുണ്ടെന്നും ഇത്തിഹാദ് എയര്‍വേയ്‌സ് സിഇഒ അറ്റനാള്‍ഡോ നേവിസ് പറഞ്ഞു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്