-20201113033837.jpg)
ഇന്ത്യൻ സിനിമയുടെ സൂപ്പർസ്റ്റാർ രജനീകാന്ത് നായകനാകുന്ന 173-ാം ചിത്രത്തെക്കുറിച്ചുള്ള പുതിയ വിശേഷങ്ങൾ പുറത്ത്. ചിത്രത്തിനായി രജനീകാന്തിന്റെ ലുക്ക് തീരുമാനിക്കുന്നതിൽ വലിയ തയാറെടുപ്പുകളാണ് സംവിധായകൻ സിബി ചക്രവർത്തി നടത്തുന്നത്.
സ്റ്റൈലിസ്റ്റുകളുമായി ചേർന്ന് രജനീകാന്തിനായി 83 വ്യത്യസ്ത രൂപങ്ങളാണ് അണിയറപ്രവർത്തകർ തയ്യാറാക്കിയത്. ഇതിൽ നിന്ന് തിരഞ്ഞെടുത്ത മൂന്ന് ലുക്കുകളിൽ ഒന്ന് രജനീകാന്ത് നേരിട്ട് തീരുമാനിക്കുമെന്നാണ് റിപ്പോർട്ടുകൾ.
സിനിമയുടെ ചിത്രീകരണം 2026 ഏപ്രിലിൽ ആരംഭിക്കാനാണ് പദ്ധതി. കമൽഹാസന്റെ നിർമ്മാണ കമ്പനിയായ 'രാജ് കമൽ ഫിലിംസ് ഇന്റർനാഷണൽ' ആണ് ഈ ചിത്രം നിർമ്മിക്കുന്നത് എന്ന പ്രത്യേകതയുമുണ്ട്.
നേരത്തെ സുന്ദർ സി സംവിധാനം ചെയ്യാനിരുന്ന പ്രോജക്റ്റിലേക്കാണ് 'ഡോൺ' എന്ന ചിത്രത്തിലൂടെ ശ്രദ്ധേയനായ സിബി ചക്രവർത്തി എത്തിയത്. പ്രിയങ്ക മോഹൻ, മലയാളി താരം ബേസിൽ ജോസഫ് എന്നിവരും ചിത്രത്തിൽ പ്രധാന വേഷങ്ങളിൽ എത്തുമെന്നാണ് സൂചന.
തുടർച്ചയായ വമ്പൻ പ്രോജക്റ്റുകളുമായി രജനീകാന്ത് ആരാധകരെ വിസ്മയിപ്പിക്കുകയാണ്. 'തലൈവർ 173'-ന് മുൻപായി നെൽസൺ ദിലീപ്കുമാർ സംവിധാനം ചെയ്യുന്ന 'ജയിലർ 2' തിയേറ്ററുകളിലെത്തും. ടൈഗർ മുത്തുവേൽ പാണ്ഡ്യനായി രജനീകാന്ത് തിരിച്ചെത്തുമ്പോൾ മോഹൻലാൽ, ശിവരാജ്കുമാർ എന്നിവരും രണ്ടാം ഭാഗത്തിലുണ്ടാകുമെന്നാണ് പ്രതീക്ഷിക്കുന്നത്.
ഇതിനെല്ലാം പുറമെ, കമൽഹാസനും രജനീകാന്തും വർഷങ്ങൾക്ക് ശേഷം ഒന്നിക്കുന്ന മറ്റൊരു ബ്രഹ്മാണ്ഡ ചിത്രവും ഈ വർഷം അവസാനം ചിത്രീകരണം ആരംഭിക്കാനിരിക്കുകയാണ്. വരാനിരിക്കുന്ന ചിത്രങ്ങളുടെ പട്ടികയിൽ ഏറ്റവും കൂടുതൽ ചർച്ച ചെയ്യപ്പെടുന്ന പ്രോജക്റ്റായി 'തലൈവർ 173' മാറിക്കഴിഞ്ഞു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260325052735.jfif)
-20260325050605.jpg)
1-20260302032542.jpg)
-20260325042156.jpg)
-20260323033618.jpg)
