ഇന്ത്യന്‍ ചലച്ചിത്ര ലോകം ഏറെ കാത്തിരിക്കുന്ന ചിത്രമാണ് നിതീഷ് തിവാരിയുടെ രാമായണം. ചിത്രത്തിൽ രാമനായി രൺബീർ എത്തുമ്പോൾ സീതയായി എത്തുന്നത് സായ് പല്ലവിയാണ്. ഇപ്പോഴിതാ ചിത്രത്തിൽ അമിതാഭ്  ബച്ചനും ജോയിൻ ചെയ്തു.

രാവണൻ്റെ പിടിയിൽ നിന്ന് സീതാദേവിയെ രക്ഷിക്കാൻ ശ്രമിക്കുന്നതിനിടെ തൻ്റെ ജീവൻ ബലിയർപ്പിക്കുന്ന ദിവ്യപക്ഷിയായ ജടായു എന്ന കഥാപാത്രത്തിന് അമിതാഭ് ബച്ചൻ ശബ്ദം നൽകും. പ്രേക്ഷകർ ബച്ചനെ സ്‌ക്രീനിൽ ശാരീരികമായി കാണില്ലെങ്കിലും, അദ്ദേഹത്തിൻ്റെ ആഴമേറിയതും വൈകാരികവുമായ ശബ്ദം ജടായുവിനെ ജീവസുറ്റതാക്കും.

ഹ്രസ്വമാണെങ്കിലും, ജടായുവിൻ്റെ ചിത്രീകരണം പ്രേക്ഷകരിൽ സ്വാധീനം ചെലുത്തുമെന്ന് പ്രതീക്ഷിക്കുന്നു, ഇത് ചിത്രത്തിൻ്റെ ആഖ്യാനത്തിലെ ഒരു പ്രധാന നിമിഷമായിരിക്കും. ബച്ചൻ്റെ ഐക്കണിക് ശബ്ദവും നൂതന വിഎഫ്എക്‌സ് സാങ്കേതികവിദ്യയും സംയോജിപ്പിച്ച് സ്‌ക്രീനിൽ കഥാപാത്രത്തിൻ്റെ സാന്നിദ്ധ്യം ഉയർത്തും.

അതേസമയം, രാമായണം സിനിമയില്‍ കെജിഎഫ് താരം യാഷും ഭാഗമാകുന്നുണ്ട്. നിർമാതാവിന്റെ മേലങ്കിയാണ് രാമായണം സിനിമയിൽ യാഷ് അണിയുന്നത്.  യഷിന്റെ ഉടമസ്ഥതയിലുള്ള മോണ്‍സ്റ്റര്‍ മൈന്‍ഡ് ക്രിയേഷന്‍സ് നിർമാണ പങ്കാളിയായി എത്തും.

പ്രമുഖ നിര്‍മാണ കമ്പനിയായ നമിത് മല്‍ഹോത്രയുടെ പ്രൈം ഫോക്കസ് സ്റ്റുഡിയോസും നിർമാതാക്കളാണ്. 700 കോടിക്ക് മുകളിലാണ് രാമായണത്തിന്റെ ബജറ്റ് എന്നാണ് റിപ്പോര്‍ട്ടുകള്‍.  2025 ഡിസംബറോടെ  ചിത്രത്തിന്റെ  രണ്ട് ഭാഗങ്ങൾ  പൂർത്തിയാക്കാനാണ് ടീം ലക്ഷ്യമിടുന്നത്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്