അഡ്വാൻസ്‌ ബുക്കിംഗ് തകർക്കുന്നു; റിലീസിന് മുൻപ് ലക്ഷങ്ങൾ നേടി ഭ്രമയുഗം

FEBRUARY 12, 2024, 4:24 PM

ആരാധകർ ഏറെ പ്രതീക്ഷയോടെ കാത്തിരിക്കുന്ന മമ്മൂട്ടി നായകനായി എത്തുന്ന ചിത്രമാണ് ഭ്രമയുഗം. ചിത്രം റിലീസിനൊരുങ്ങുകയാണ്. ഇതിനോടകം ഭ്രമയുഗത്തിന്റെ അഡ്വാൻസ് ബുക്കിങ്ങുകൾ ആരംഭിച്ചു കഴിഞ്ഞു. കേരളത്തിനൊപ്പം ഓസ്‌ട്രേലിയ, ജർമ്മനി, യുകെ, യു.എ.ഇ തുടങ്ങിയ രാജ്യങ്ങളിലും ബുക്കിംഗ് ഓപ്പൺ ആയിട്ടുണ്ട്.

അതേസമയം ആരംഭിച്ച എല്ലാ തിയറ്ററുകളിലും മികച്ച ബുക്കിംഗ് ആണ് നടന്നു കൊണ്ടിരിക്കുന്നത് എന്നാണ് പുറത്തു വരുന്ന വിവരം. ഇതുവരെ 10000ലേറെ ടിക്കറ്റുകൾ വിറ്റു കഴിഞ്ഞതായി ആണ് അണിയറ പ്രവർത്തകർ ഭ്രമയുഗത്തിന്റെ ഔദ്യോഗിക പേജ് വഴി അറിയിച്ചിരിക്കുന്നത്.

ബുക്കിംഗ് ആരംഭിച്ച് ഏതാനും മണിക്കൂറിനുളിൽ ആണ് പതിനായിരത്തോളം ടിക്കറ്റുകൾ വിറ്റുപോയിരിക്കുന്നത് എന്നത് ആരാധകരെ ഏറെ ആവേശത്തിലാക്കിയിട്ടുണ്ട്. യുഎഇയിലെ വോക്‌സ് സിനിമാസിൽ ഭ്രമയുഗത്തിന്റെ 600ലധികം ടിക്കറ്റുകൾ ഇതിനകം വിറ്റുപോയിട്ടുണ്ട് എന്നാണ് കണക്കുകൾ വ്യക്തമാക്കുന്നത്.