ഗ്രെയ്റ്റർ ഷിക്കാഗോ മലയാളി അസോസിയേഷൻ ടൂർണമെന്റ് പ്ലൂമ ബാഡ്മിന്റൺ ക്ലബ് പേട്രൺ ജോർജ് നെല്ലാമറ്റം ഉദ്ഘാടനം ചെയ്തു. 49 ടീമുകൾ വിവിധ വിഭാഗങ്ങളിൽ മത്സരിച്ചു. 12 മണിക്കൂർ തുടർച്ചായി നടന്ന മത്സരങ്ങളിൽ 70 അധികം കായിക താരങ്ങൾ പങ്കെടുത്തു.

ഗ്രെയ്റ്റർ ഷിക്കാഗോ മലയാളി അസോസിയേഷൻ നടത്തിയ ബാഡ്മിന്റൺ ടൂർണമെന്റിൽ മെൻസ് ഓപ്പൺ വിഭാഗത്തിൽ ജുബിൻ വെട്ടിക്കാട്ട് & ആരോൺ ബ്രിജേഷ് ടീം വിജയികളായി. വിജയ പരാജയങ്ങൾ മിന്നി മറഞ്ഞ ഫൈനൽ മത്സരത്തിൽ ജെറി ജോർജ്  & ജോയൽ ടീമിനെ ആണ് പരാജയപ്പെടുത്തിയത്. വരുൺ ഗോപിനാഥ് & മെൽബിൻ തോമസ്, നവീൻ ചെറിയാച്ചൻ & ജിതിൻ ചെറിയാൻ ടീമുകൾ സെക്കൻഡ് റണ്ണർ അപ്പ് ആയി.

മെൻസ് ഓപ്പൺ പൂൾ ആ വിഭാഗത്തിൽ ജിനേഷ് മാത്യു & ജെറിൽ ജോർജ് എന്നിവർ അജൈൻ കുഴിമറ്റത്തിൽ & ഗോപൻ ടീമിനെയാണ് പരാജയപ്പെടുത്തി വിജയികളായി.
വിമൻസ് ഓപ്പൺ വിഭാഗത്തിൽ ജെസ്ലിൻ വെട്ടിക്കാട് & ജാസ്ലിൻ ആലപ്പാട്  ടീം വിജയികളായി. ഫൈനൽ മത്സരത്തിൽ മഞ്ജു കൊല്ലപ്പള്ളി & ക്രിസ്റ്റിന ജോസഫ്  ടീമിനെയാണ് പരാജയപ്പെടുത്തിയത്. നിമി ഫ്രാൻസിസ് & ബീന മാത്യു, സുനിത അലക്കാട്ട് & സുനിത ജോൺ ടീമുകൾ സെക്കൻഡ് റണ്ണർ അപ്പ് ആയി.

അമേരിക്കൻ ബാഡ്മിന്റൺ ചരിത്രത്തിൽ ആദ്യമായ് നടന്ന മെൻസ് 100 ഇയർ കംബൈൻഡ്   വിഭാഗത്തിൽ ജോർജ് നെല്ലാമറ്റം & ജെറി ജോർജ് ടീം ഫൈനൽ മത്സരത്തിൽ ബിജു സേതുമാധവൻ & രഘു കൃഷ്ണപിള്ള ടീമിനെ പരാജയപ്പെടുത്തി കിരീടം സ്വന്തമാക്കി. മെൽബിൻ തോമസ് & നിണൽ മുണ്ടപ്ലാക്കൽ, സാനു സ്‌കറിയ & ഹരികുമാർ പിള്ള ടീമുകൾ സെക്കൻഡ് റണ്ണർ അപ്പ് ആയി.
മെൻസ് 45+ വിഭാഗത്തിൽജെയിംസ് വെട്ടിക്കാട്ട് & ഷിബു നായർ ബ്രിജേഷ് ടീം വിജയികളായി. ആവേശം വാനോളം ഉയർത്തിയ ഫൈനൽ മത്സരത്തിൽ ബിജു സേതുമാധവൻ & ജെറിൽ ജോർജ്  ടീമിനെയാണ് പരാജയപ്പെടുത്തിയത്. സന്തോഷ് ജോർജ് & സിബി ദേവസ്സി, വിജയ് പുത്തൻവീട്ടിൽ & ദിപു കരിങ്ങട ടീമുകൾ സെക്കൻഡ് റണ്ണർ അപ്പ് ആയി.

വിമൻസ് 35 + വിഭാഗത്തിൽ ഐവി പുത്തൻവീട്ടിൽ മഞ്ജു കൊല്ലപ്പള്ളിൽ  ടീം വിജയികളായി .  ഫൈനൽ മത്സരത്തിൽ സുനിത അലക്കാട്ട് & സുനിത ജോൺ ടീമിനെ ആണ് പരാജയപ്പെടുത്തിയത്. നിമി ഫ്രാൻസിസ് & ബീന മാത്യു, റിനി ജോർജ് & നീനു കാട്ടൂക്കാരൻ ടീമുകൾ സെക്കൻഡ് റണ്ണർ അപ്പ് ആയി.

ജൂനിയർ വിഭാഗത്തിൽ ജാസ്ലിൻ ആലപ്പാട്  & ജിയാന ആലപ്പാട് ടീം ജോയൽ ജനേഷ് തേനിമ്പ്‌ലാക്കൽ  & ജോആൻ ജനേഷ് തേനിമ്പ്‌ലാക്കൽ ടീമിനെ പരാജയപ്പെടുത്തി വിജയികളായി. ഐഡൻ ആന്റോ & ആർതർ സജി വർഗീസ്, ഐസക് മാത്യു & ജെയിംസ് മാത്യു, ടെസ്സ ചുങ്കത് & സോണിയ മാത്യു ടീമുകൾ സെക്കൻഡ് റണ്ണർ അപ്പ് ആയി.

മത്സരങ്ങൾക്ക് അനീഷ് ആന്റോ, ജതേഷ് ചുങ്കത്, സന്തോഷ് കാട്ടൂക്കാരൻ, മനോജ് കോട്ടപ്പുറം, ബോബി സെബാസ്റ്റ്യൻ, ജോൺ കൂള, വിജയ് പുത്തൻവീട്ടിൽ, സജി വർഗീസ്, സന്തോഷ് നായർ, ജിജു സ്റ്റീഫൻ, സുജിത് കേനോത്, ജോൺസൻ കാരിക്കൻ, ജോർജ് നെല്ലാമറ്റം, ഐവി പുത്തൻവീട്ടിൽ, അമ്പിളി കരിങ്ങട, ടോബിൻ തോമസ്, ജനേഷ് മാത്യു, വില്യം തെക്കേത്ത്, ജേക്കബ് പുറയംപറമ്പിൽ  എന്നിവർ നേതൃത്വം കൊടുത്തു. മുഖ്യ സംഘാടകനായിരുന്ന അനീഷ് ആന്റോയെ ഗ്രെയ്റ്റർ സി.എം.എ, പൊന്നാട കൊടുത്താദരിച്ചു. സന്തോഷ് കാട്ടൂക്കാരനെയും പ്രത്യേകം അദരിച്ചു.

എല്ലാ കായിക താരങ്ങൾക്കും, കാണികൾക്കും, സംഘാടകർക്കും സന്തോഷ് നായർ സ്വാഗതവും, മനോജ് കോട്ടപ്പുറം എല്ലാ സ്‌പോൺസേഴ്‌സിനും മെഗാ, ഗോൾഡ് സ്‌പോൺസേഴ്‌സ് ആയിരുന്ന പ്ലൂമ ബാഡ്മിന്റൺ ക്ലബ് , ജിജു സ്റ്റീഫൻ, മലബാർ ഗോൾഡ് & ഡയമണ്ട് എന്നിവർക്കും, പങ്കെടുത്ത എല്ലാ താരങ്ങൾക്കും കൃതന്ജത അറിയിച്ചു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്