ഓട്ടിസത്തെ ഒരു പകർച്ചവ്യാധിയായും ഇത് 'കോവിഡ്-19 പാൻഡെമിക്കിനെ പോലും മറികടക്കുന്നതാണെന്നും ആരോഗ്യമനുഷ്യ സേവന സെക്രട്ടറി റോബർട്ട് എഫ്. കെന്നഡി ജൂനിയർ ഒരു പുതിയ അഭിമുഖത്തിൽ പറഞ്ഞു.

'ഇതൊരു പകർച്ചവ്യാധിയാണ്. ഓട്ടിസം കുട്ടികളെയും അവരുടെ ജീവിതത്തിന്റെ തുടക്കത്തിൽ, അവരുടെ ഉൽപാദനക്ഷമതയെ തന്നെ ബാധിക്കുന്നു,' WABC 770 AM ന്റെ 'ദി ക്യാറ്റ്‌സ് റൗണ്ട്‌ടേബിളിൽ' റേഡിയോ ഹോസ്റ്റ് ജോൺ കാറ്റ്‌സിമാറ്റിഡിസുമായുള്ള ഞായറാഴ്ച അഭിമുഖത്തിൽ കെന്നഡി പറഞ്ഞു. 'അവരേയും  അവരുടെ കുടുംബങ്ങളേയും അവരുടെ സമൂഹങ്ങളേയും  ഇത് തികച്ചും ദുർബലപ്പെടുത്തുന്നതാണ്,' അദ്ദേഹം കൂട്ടിച്ചേർത്തു.

സെന്റർസ് ഫോർ ഡിസീസ് കൺട്രോൾ ആൻഡ് പ്രിവൻഷൻ (സിഡിസി) അനുസരിച്ച്, കുടുംബത്തിൽ ഈ രോഗത്തിന്റെ ചരിത്രമുണ്ടെങ്കിൽ, അമ്മയ്ക്ക് ജനനസമയത്ത് സങ്കീർണതകൾ അനുഭവപ്പെടുകയാണെങ്കിൽ അല്ലെങ്കിൽ ക്രോമസോം അവസ്ഥകൾ അവരുടെ വികസനത്തിന് ഭീഷണിയാകുകയാണെങ്കിൽ കുട്ടികൾക്ക് ഓട്ടിസം വരാനുള്ള സാധ്യത കൂടുതലാണ്.

കാറ്റ്‌സിമാറ്റിഡിസിനുള്ള കെന്നഡിയുടെ അഭിപ്രായങ്ങൾ, ഓട്ടിസത്തിന്റെ നിരക്ക് അതിവേഗം വർദ്ധിച്ചുവരികയാണെന്നും ആരോഗ്യച്ചെലവിൽ വർദ്ധനവിന് കാരണമാകുമെന്നും സൂചന നൽകി.

'നമ്മുടെ രാജ്യത്തെ സംബന്ധിച്ചിടത്തോളം, ഓട്ടിസത്തിന്റെ യഥാർത്ഥ സാമ്പത്തിക ചെലവ് 2035 ആകുമ്പോഴേക്കും പ്രതിവർഷം 1 ട്രില്യൺ ഡോളറായിരിക്കും. ഇത് ഒരു തുടക്കം മാത്രമാണ്, കാരണം ഈ കുട്ടികളിൽ പലരും വാർദ്ധക്യത്തിലേക്ക് നീങ്ങുന്നു, അവരുടെ മാതാപിതാക്കൾ എല്ലാ ദിവസവും വിഷമിക്കുന്നു. ഞാൻ സംസാരിക്കുന്നത് കഠിനമായ ഓട്ടിസം ബാധിച്ച ആളുകളെക്കുറിച്ചാണ്, അതായത്, ഓട്ടിസം രോഗനിർണയം നടത്തുന്ന മൊത്തം ആളുകളുടെ ഏകദേശം 26 ശതമാനം,' അദ്ദേഹം പറഞ്ഞു.

മിനസോട്ട പ്രഥമ വനിത ഗ്വെൻ വാൾസ് അടുത്തിടെ ഓട്ടിസത്തെക്കുറിച്ചുള്ള കെന്നഡിയുടെ അഭിപ്രായങ്ങളെ വിമർശിക്കുകയും ഈ രോഗം കണ്ടെത്തിയ വ്യക്തികളുടെ സംഭാവനകളെ കുറച്ചുകാണുന്നതിന് നേതാവിനെ വിമർശിക്കുകയും ചെയ്തു.

പി പി ചെറിയാൻ

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്