ട്രംപിന്റെ കത്ത് തള്ളി ഇറാന്‍; പുതിയ ആണവ കരാറെന്ന നിര്‍ദ്ദേശം നിരസിച്ചു

MARCH 30, 2025, 10:35 PM

ടെഹ്‌റാന്‍: ആണവ പദ്ധതിയെക്കുറിച്ച് ഇറാന് യുഎസ് പ്രസിഡന്റ് ഡൊണാള്‍ഡ് ട്രംപ് അയച്ച കത്ത് ഇറാന്‍ പ്രസിഡന്റ് മസൂദ് പെഷേഷ്‌കിയാന്‍ തള്ളി. എന്നിരുന്നാലും, മന്ത്രിസഭാ യോഗത്തെ അഭിസംബോധന ചെയ്തുകൊണ്ട് പ്രസിഡന്റ് മസൂദ്, അമേരിക്കയുമായി പരോക്ഷ ചര്‍ച്ചകള്‍ നടത്താന്‍ ടെഹ്റാന്‍ തയ്യാറാണെന്ന് സൂചിപ്പിച്ചു.

പുതിയ ആണവ കരാര്‍ നിര്‍ദ്ദേശിച്ചുകൊണ്ട് യുഎസ് പ്രസിഡന്റ് ഡൊണാള്‍ഡ് ട്രംപ് അടുത്തിടെ ഇറാന് ഒരു കത്തെഴുതി. കരാറിനോട് യോജിച്ചില്ലെങ്കില്‍ സൈനിക നടപടി സ്വീകരിക്കുമെന്നും അദ്ദേഹം മുന്നറിയിപ്പ് നല്‍കി. തീരുവകള്‍ ഏര്‍പ്പെടുത്തുന്നതിനെക്കുറിച്ചും ട്രംപ് കത്തില്‍ സൂചിപ്പിച്ചു.

അമേരിക്കന്‍ നിര്‍ദ്ദേശം ഇറാന്‍ പൂര്‍ണ്ണമായും നിരസിച്ചു. അമേരിക്കയുമായി പരോക്ഷ ചര്‍ച്ചകള്‍ക്ക് മാത്രമേ ടെഹ്റാന്‍ തയ്യാറാണെന്ന് പ്രസിഡന്റ് മസൂദ് പെസെഷ്‌കിയാന്‍ മന്ത്രിസഭാ യോഗത്തില്‍ പറഞ്ഞു. അമേരിക്കയുമായി നേരിട്ട് ചര്‍ച്ച നടത്താന്‍ സാധ്യതയില്ല.