നാല് വയസ്സുള്ള ലൂസിയാന പെണ്‍കുട്ടിയെ മരിച്ച നിലയില്‍ കണ്ടെത്തി

JUNE 14, 2024, 10:25 AM

ലൂസിയാന: വ്യാഴാഴ്ച മിസിസിപ്പിയില്‍ 4 വയസ്സുള്ള ലൂസിയാന പെണ്‍കുട്ടിയെ മരിച്ച നിലയില്‍ കണ്ടെത്തി. പിന്നീട് അമ്മയെയും മരിച്ച നിലയില്‍ കണ്ടെത്തി.

മരിച്ച നാലുവയസ്സുള്ള എറിന്‍ ബ്രൂണറ്റിനെയും അവളുടെ 6 വയസ്സുള്ള സഹോദരി ജാലിയെയും വ്യാഴാഴ്ച രാവിലെ 8 മണിയോടെ ബാറ്റണ്‍ റൂജിന് 45 മൈല്‍ വടക്കുകിഴക്കുള്ള ലോറഞ്ചറിലെ വീട്ടില്‍ നിന്ന് തട്ടികൊണ്ടുപോയതായി ടാംഗിപഹോവ പാരിഷ് ചീഫ് ഡെപ്യൂട്ടി ജിമ്മി ട്രാവിസ് വാര്‍ത്താ സമ്മേളനത്തില്‍ പറഞ്ഞു.

120 മൈല്‍ അകലെ മിസിസിപ്പിയിലെ ജാക്സണിലാണ് എറിന്റെ മൃതദേഹം കണ്ടെത്തിയത്. പരിക്കേല്‍ക്കാത്ത സഹോദരിക്കും പെണ്‍കുട്ടികളെ തട്ടിക്കൊണ്ടുപോയതായി സംശയിക്കുന്ന ഡാനിയല്‍ കാലഹനുമൊപ്പമാണ് അവളെ കണ്ടെത്തിയതെന്ന് ട്രാവിസ് പറഞ്ഞു. ചീഫ് ഡെപ്യൂട്ടി പറയുന്നതനുസരിച്ച്, പെണ്‍കുട്ടികളുടെ മരിച്ചുപോയ അമ്മ 35 കാരിയായ കാലി ബ്രൂണറ്റുമായി കാലഹന്‍ 'ഓണ്‍-ആന്‍ഡ്-ഓഫ് ബന്ധത്തിലായിരുന്നു'.