ആപ്പിൾ ഉപയോക്താക്കൾ കുറച്ചുനാളായി എയർപോഡ്സ് പ്രോ 3 നായി കാത്തിരിക്കുകയാണ്. 2022 ൽ കമ്പനി എയർപോഡ്സ് പ്രോ 2 പുറത്തിറക്കി. അതിനുശേഷം, യുഎസ്ബി-സി ചാർജിംഗ് പോർട്ട് ഉള്ള ഉയർന്ന നിലവാരമുള്ള ഇയർബഡുകൾ മാത്രമേ കമ്പനി അപ്ഡേറ്റ് ചെയ്തിട്ടുള്ളൂ. 

ഇപ്പോഴിതാ എയർപോഡ്സ് പ്രോ 3 യുടെ ലോഞ്ച് ഉടൻ ഉണ്ടാകുമെന്നും അടുത്ത മാസം ആദ്യം എത്തുമെന്നും പുതിയ റിപ്പോർട്ടുകൾ സൂചിപ്പിക്കുന്നു.

എയർപോഡ്‍സ് പ്രോ 3-യുടെ പ്രത്യേക പദ്ധതികളൊന്നും ആപ്പിൾ ഇതുവരെ ഔദ്യോഗികമായി പ്രഖ്യാപിച്ചിട്ടില്ല. എങ്കിലും, സമീപകാല സോഫ്റ്റ്‌വെയർ കോഡ് മാറ്റങ്ങൾ  സൂചിപ്പിക്കുന്നത് അടുത്ത തലമുറ ഇയർബഡുകളുടെ ലോഞ്ച് വളരെ അകലെയല്ല എന്നാണ്. 

എയർപോഡ്‍സ് പ്രോ 3 തയ്യാറായാൽ, ജൂൺ 9-ന് ആരംഭിക്കുന്ന വാർഷിക ഡെവലപ്പർ കോൺഫറൻസിൽ അടുത്ത മാസം ആപ്പിൾ അവ പുറത്തിറക്കാൻ സാധ്യതയുണ്ട്. ഇത് ആപ്പിളിന്‍റെ അടുത്ത വലിയ ഇവന്റാണ്.

സവിശേഷതകൾ 

പുതിയ എയർപോഡ്സ് പ്രോ 3-ൽ നിരവധി ഫീച്ചറുകൾ ഉണ്ടാകുമെന്ന് കിംവദന്തികൾ പറയുന്നു. ആരോഗ്യ കേന്ദ്രീകൃതമായിരിക്കും വലിയ അപ്‌ഡേറ്റുകൾ.

എയർപോഡ്സ് പ്രോ 3-ൽ ഇൻ-ഇയർ ഹാർട്ട് റേറ്റ് മോണിറ്ററിംഗ് ഉണ്ടാകാനുള്ള സാധ്യതയുണ്ട്. പുതുതായി പുറത്തിറക്കിയ പവർബീറ്റ്സ് പ്രോ 2-ൽ ഈ ഫീച്ചർ ലഭ്യമായതിനാൽ ഇത് ശക്തമായ ഒരു സാധ്യതയാണ്.

റിസ്റ്റ് അധിഷ്ഠിത സെൻസറുകളിൽ നിന്ന് വ്യത്യസ്തമായി, ഇൻ-ഇയർ സെൻസറുകൾ കൂടുതൽ സ്ഥിരതയുള്ള റീഡിംഗുകൾ വാഗ്ദാനം ചെയ്തേക്കാം.

എയർപോഡ്സ് പ്രോ 3-ൽ ആപ്പിൾ ഇൻ-ഇയർ ടെമ്പറേച്ചർ ട്രാക്കിംഗ് ഉൾപ്പെടുത്തിയേക്കാമെന്നും റിപ്പോർട്ടുകൾ സൂചിപ്പിക്കുന്നു. ഇത് നിലവിൽ ആപ്പിൾ വാച്ചുകളിൽ കാണപ്പെടുന്ന ചർമ്മ താപനില സെൻസറുകളെ മെച്ചപ്പെടുത്തുന്നു.

ആപ്പിളിന്റെ അടുത്ത തലമുറ H3 ചിപ്പ് ചേർക്കാം എന്നതാണ്. ഇത് നിലവിലെ മോഡലിലെ H2 ചിപ്പിന് പകരമായിരിക്കും.

മെച്ചപ്പെടുത്തിയ ആക്റ്റീവ് നോയ്‌സ് റദ്ദാക്കൽ (ANC), മികച്ച ഓഡിയോ പ്രോസസ്സിംഗ്, കൂടുതൽ കാര്യക്ഷമമായ ബാറ്ററി ഉപയോഗം തുടങ്ങിയവ ഉൾപ്പെടെ  പ്രധാന മെച്ചപ്പെടുത്തലുകൾ H3 നൽകുമെന്ന് പ്രതീക്ഷിക്കുന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്