കാലിഫോർണിയ: ആൻഡ്രോയിഡ് സ്മാർട്ട്ഫോൺ ഉപയോക്താക്കൾക്ക് വലിയ ആശ്വാസകരമായ നീക്കവുമായി ഗൂഗിൾ. ഫോണിലെ ചാർജ് അമിതമായി കുറയ്ക്കുന്ന ആപ്പുകളെ തിരിച്ചറിയാൻ സഹായിക്കുന്ന പുതിയ 'ബാറ്ററി ഡ്രെയിൻ' (Battery Drain) ലേബലുകൾ ഗൂഗിൾ പ്ലേ സ്റ്റോറിൽ അവതരിപ്പിച്ചു.2026 മാർച്ച് 1 മുതൽ ഈ പരിഷ്കാരം ആഗോളതലത്തിൽ പ്രാബല്യത്തിൽ വന്നതായി റിപ്പോർട്ടുകൾ സൂചിപ്പിക്കുന്നു.

എന്താണ് പുതിയ ലേബൽ?

ബാറ്ററി അമിതമായി ഉപയോഗിക്കുന്ന ആപ്പുകളുടെ പ്ലേ സ്റ്റോർ ലിസ്റ്റിംഗിൽ ഇനിമുതൽ പ്രത്യേക മുന്നറിയിപ്പ് ദൃശ്യമാകും. "ഈ ആപ്പിന്റെ ബാക്ക്ഗ്രൗണ്ട് പ്രവർത്തനം അമിതമായതിനാൽ പ്രതീക്ഷിച്ചതിലും കൂടുതൽ ബാറ്ററി ഉപയോഗിച്ചേക്കാം" (This app may use more battery than expected due to high background activity) എന്നായിരിക്കും ഈ ലേബൽ.

ആപ്പ് ഉപയോഗിക്കാത്ത സമയത്തും ഫോണിന്റെ പിന്നാമ്പുറത്ത് പ്രവർത്തിച്ച് ബാറ്ററി തീർക്കുന്ന ആപ്പുകളെയാണ് ഗൂഗിൾ പ്രധാനമായും ലക്ഷ്യമിടുന്നത്.

 ഡൗൺലോഡ് ചെയ്യുന്നതിന് മുൻപ് തന്നെ ആപ്പിന്റെ ബാറ്ററി ഉപയോഗത്തെക്കുറിച്ച് ധാരണ ലഭിക്കുന്നത് ഫോണിന്റെ പെർഫോമൻസ് നിലനിർത്താൻ സഹായിക്കും.

എല്ലാ ആപ്പുകൾക്കും ബാധകമാണോ?

അമിതമായി ബാറ്ററി ഉപയോഗിക്കുന്നു എന്നതുകൊണ്ട് എല്ലാ ആപ്പുകൾക്കും ഈ ലേബൽ ലഭിക്കില്ല. ചില പ്രത്യേക വിഭാഗങ്ങളെ ഗൂഗിൾ ഇതിൽ നിന്ന് ഒഴിവാക്കിയിട്ടുണ്ട്.  പാട്ടുകൾ കേൾക്കുമ്പോൾ സ്വാഭാവികമായും ബാക്ക്ഗ്രൗണ്ട് ആക്റ്റിവിറ്റി ആവശ്യമാണ്. വലിയ ഫയലുകൾ കൈമാറുമ്പോൾ ഫോൺ ലോക്ക് ആണെങ്കിലും ആപ്പ് പ്രവർത്തിക്കേണ്ടതുണ്ട്.

ഡെലിവറി, ക്യാബ് ആപ്പുകൾ: ഭക്ഷണത്തിന്റെയോ ടാക്സിയുടെയോ തത്സമയ വിവരങ്ങൾ (Real-time tracking) നൽകുന്ന ആപ്പുകളെയും ഇതിൽ നിന്ന് ഒഴിവാക്കിയേക്കാം.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്