സമരപ്പന്തൽ പുനഃസ്ഥാപിച്ച് ഡിവൈഎഫ്‌ഐ; നിരാഹാര സമരം ആരംഭിച്ച് എൽപിഎസ്ടി ഉദ്യോഗാർഥി ജയകൃഷ്ണൻ

NOVEMBER 11, 2026, 7:37 PM

തിരുവനന്തപുരം: എൽപിഎസ്ടി ഉദ്യോഗാർഥികളുടെ സമരപ്പന്തൽ പൊലിസ് പൊളിച്ചുനീക്കിയതിന് പിന്നാലെ സമരപ്പന്തൽ പുനഃസ്ഥാപിച്ച് ഡിവൈഎഫ്‌ഐ.

വളർമതിയെ പൊലിസ് കസ്റ്റഡിയിലെടുത്ത് ആശുപത്രിയിലേക്ക് മാറ്റിയതിന് പിന്നാലെ എൽപിഎസ്ടി ഉദ്യോഗാർഥി ജയകൃഷ്ണൻ നിരാഹാര സമരം ആരംഭിച്ചു.

സമരപ്പന്തൽ പൊളിക്കണമെന്ന് നേരത്തെ രണ്ട് തവണ പൊലിസ് സമരക്കാർക്ക് നോട്ടീസ് നൽകിയിരുന്നു.

24 മണിക്കൂറിനകം സമരപ്പന്തൽ പൊളിച്ച് മാറ്റണമെന്നും അല്ലാത്ത പക്ഷം നിയമനടപടിയുണ്ടാകുമെന്നുമായിരുന്നു നിർദേശം. എന്നാൽ രാത്രിയോടെ അപ്രതീക്ഷിതമായെത്തിയ പൊലിസ് സംഘം ബലം പ്രയോഗിച്ച് വളർമതിയെ ആശുപത്രിയിലേക്ക് മാറ്റുകയായിരുന്നു. ഈ പൊലിസ് സമരപ്പന്തൽ പൊളിച്ച് ഒരു മണിക്കൂർ തികയുന്നതിന് മുമ്പേ തന്നെ ഡിവൈഎഫ്‌ഐ പ്രവർത്തകരുടെ നേതൃത്വത്തിൽ സമരപ്പന്തൽ കെട്ടുകയായിരുന്നു.