-20250211084505.jpg)
ആർട്ടിഫിഷ്യൽ ഇന്റലിജൻസ് (AI) മേഖലയിൽ വൻ കുതിപ്പിനൊരുങ്ങുന്ന മാർക്ക് സക്കർബർഗിന്റെ മെറ്റാ പ്ലാറ്റ്ഫോംസ് വീണ്ടും വൻതോതിലുള്ള പിരിച്ചുവിടലിന് ഒരുങ്ങുന്നതായി റിപ്പോർട്ടുകൾ. കമ്പനിയുടെ ആകെ ജീവനക്കാരുടെ 20 ശതമാനത്തോളം പേരെ ഈ തീരുമാനം ബാധിച്ചേക്കാം.
നിലവിലെ കണക്കനുസരിച്ച് ഏകദേശം 16,000 ജീവനക്കാർക്ക് ജോലി നഷ്ടമാകാൻ സാധ്യതയുണ്ടെന്നാണ് റോയിട്ടേഴ്സ് പുറത്തുവിട്ട റിപ്പോർട്ടുകൾ സൂചിപ്പിക്കുന്നത്. എന്നാൽ, ഇത് സംബന്ധിച്ച് അന്തിമ തീരുമാനങ്ങൾ ആയിട്ടില്ലെന്നും വെറും സാങ്കേതികമായ ചർച്ചകൾ മാത്രമാണ് നടക്കുന്നതെന്നുമാണ് കമ്പനി വക്താവ് ആൻഡി സ്റ്റോണിന്റെ ഔദ്യോഗിക പ്രതികരണം.
കഴിഞ്ഞ കുറച്ചു വർഷങ്ങളായി 'ഇയർ ഓഫ് എഫിഷ്യൻസി' (Year of Efficiency) എന്ന പേരിൽ മെറ്റാ നടത്തിവരുന്ന പരിഷ്കരണങ്ങളുടെ തുടർച്ചയായാണ് ഈ നീക്കം വിലയിരുത്തപ്പെടുന്നത്. 2022-ലും 2023-ലുമായി ഇതിനോടകം 21,000-ത്തിലധികം തൊഴിലവസരങ്ങൾ മെറ്റാ വെട്ടിക്കുറച്ചിരുന്നു. ജനറേറ്റീവ് ഐ.ഐ (Generative AI) രംഗത്ത് മൈക്രോസോഫ്റ്റ്, ഗൂഗിൾ തുടങ്ങിയ വമ്പന്മാരോട് മത്സരിക്കാൻ വലിയ തോതിലുള്ള അടിസ്ഥാന സൗകര്യ വികസനത്തിനാണ് സക്കർബർഗ് ലക്ഷ്യമിടുന്നത്. 2028-ഓടെ ഡാറ്റാ സെന്ററുകൾക്കായി മാത്രം 600 ബില്യൺ ഡോളർ നിക്ഷേപിക്കാനാണ് കമ്പനിയുടെ തീരുമാനം.
ഐ.ഐയുടെ വരവോടെ ജോലികൾ കൂടുതൽ ലളിതമായെന്നും പണ്ട് വലിയ ടീമുകൾ ചെയ്തിരുന്ന കാര്യങ്ങൾ ഇന്ന് ഐ.ഐയുടെ സഹായത്തോടെ ഒരാൾക്ക് ചെയ്യാമെന്നും സക്കർബർഗ് നേരത്തെ വ്യക്തമാക്കിയിരുന്നു. ചൈനീസ് സ്റ്റാർട്ടപ്പായ മാനസ് (Manus), സോഷ്യൽ നെറ്റ്വർക്കിംഗ് പ്ലാറ്റ്ഫോമായ മോൾട്ട്ബുക്ക് (Moltbook) എന്നിവയെ ഏറ്റെടുത്തുകൊണ്ട് മെറ്റാ തങ്ങളുടെ ഐ.ഐ സാമ്രാജ്യം വിപുലീകരിക്കുകയാണ്. ആമസോണും ബ്ലോക്കും ഉൾപ്പെടെയുള്ള മറ്റ് ടെക് ഭീമന്മാരും സമാനമായ രീതിയിൽ ഐ.ഐ വിപ്ലവത്തിന്റെ ഭാഗമായി ജീവനക്കാരെ വെട്ടിക്കുറയ്ക്കുന്നത് ആഗോള ടെക് മേഖലയിൽ വലിയ ആശങ്കയ്ക്ക് കാരണമാകുന്നുണ്ട്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20250831010900.jpg)
-20260314050330.jfif)
-20260310044313.jpg)
-20260309092134.jpg)
-20260309091527.jpg)
