ഇംഗ്ലീഷ് പ്രീമിയർ ലീഗിൽ മാഞ്ചസ്റ്റർ യുണൈറ്റഡ് വിജയ വഴിയിലേക്ക് തിരികെയെത്തി. ഓൾഡ്ട്രാഫോർഡിൽ വെച്ച് ന്യൂകാസിൽ യുണൈറ്റഡിനെ നേരിട്ട മാഞ്ചസ്റ്റർ യുണൈറ്റഡ് 1-0 എന്ന സ്‌കോറിനാണ് വിജയിച്ചത്. പരിക്ക് കാരണം പല പ്രധാന താരങ്ങളും ഇല്ലാതെയാണ് ഈ വിജയം.
ആദ്യമായി ബാക്ക് 3 ഡിഫൻസ് എന്ന ഫോർമേഷൻ മാരിയ അമോറിം 4-3-3 എന്ന രീതിയിലാണ് യുണൈറ്റഡിനെ അണിനിരത്തിയത്. ഇത് ആദ്യ പകുതിയിൽ യുണൈറ്റഡിന് ഗുണമായി. മത്സരത്തിന്റെ 24-ാം മിനുറ്റിൽ ഒരു ത്രോയിൽ നിന്ന് വന്ന അവസരം മനോഹരമായ വോളിയിലൂടെ ഡോർഗു വലയിലെത്തിച്ചു. ഡോർഗുവിന്റെ മാഞ്ചസ്റ്റർ യുണൈറ്റഡിനായുള്ള ആദ്യ ഗോളായിരുന്നു ഇത്.

ഈ ലീഡ് നിലനിർത്താനും കൂടുതൽ അവസരങ്ങൾ ആദ്യ പകുതിയിൽ സൃഷ്ടിക്കാനും യുണൈറ്റഡിനായി. എന്നാൽ ഗോൾ 1-0ൽ നിന്നു. രണ്ടാം പകുതിയിൽ ന്യൂകാസിൽ അവരുടെ അറ്റാക്ക് ശക്തമാക്കി. മാഞ്ചസ്റ്റർ യുണൈറ്റഡ് രണ്ടാം പകുതിയിൽ വീണ്ടും ബാക്ക് 3യിലേക്ക് മാറി ഡിഫൻസിൽ ഊന്നി വിജയം ഉറപ്പിച്ചു.

ഈ വിജയത്തോടെ മാഞ്ചസ്റ്റർ യുണൈറ്റഡ് ലീഗിൽ 29 പോയിന്റുമായി അഞ്ചാം സ്ഥാനത്ത് എത്തി. ന്യൂകാസിൽ യുണൈറ്റഡ് 23 പോയിന്റുമായി 11-ാം സ്ഥാനത്താണ്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്