തിരുവനന്തപുരം: തൊണ്ടിമുതല് കേസില് ശിക്ഷ റദ്ദാക്കണമെന്നാവശ്യപ്പെട്ട് മുന് മന്ത്രി ആന്റണി രാജു അപ്പീല് സമര്പ്പിച്ചു. തിരുവനന്തപുരം പ്രിന്സിപ്പല് സെഷന്സ് കോടതിയിലാണ് അപ്പീല് സമര്പ്പിച്ചത്. ഹര്ജി ശനിയാഴ്ച കോടതി പരിഗണിക്കും. കേസില് ആന്റണി രാജുവിന് മൂന്ന് വര്ഷം തടവും പതിനായിരം രൂപ പിഴയുമാണ് നെടുമങ്ങാട് ജുഡീഷ്യല് ഫസ്റ്റ് ക്ലാസ് കോടതി ശിക്ഷയായി വിധിച്ചത്.
തൊണ്ടിമുതലായ അടിവസ്ത്രത്തില് തിരിമറി നടത്തി പ്രതിയ്ക്ക് ശിക്ഷയില് നിന്ന് രക്ഷപ്പെടാന് അവസരമൊരുക്കി എന്ന കേസിലാണ് കോടതി ശിക്ഷ വിധിച്ചത്. കേസില് രണ്ടാം പ്രതിയാണ് ആന്റണി രാജു. ഒന്നാം പ്രതിയും കോടതി ജീവനക്കാരനുമായിരുന്ന ജോസിനും മൂന്ന് വര്ഷം തടവ് ശിക്ഷ വിധിച്ചിരുന്നു. ശിക്ഷ ഏഴ് വര്ഷത്തില് താഴെ ആയതുകൊണ്ട് അപ്പീലില് വിധി വരുന്നത് വരെ പ്രതികള്ക്ക് കോടതി ജാമ്യം അനുവദിക്കുകയും ചെയ്തു.
തിരുവനന്തപുരം വിമാനത്താവളത്തില് ലഹരിമരുന്നു കേസില് പിടിയിലായ ഓസ്ട്രേലിയന് പൗരനെ ശിക്ഷയില് നിന്ന് രക്ഷപ്പെടുത്താന് തൊണ്ടിയായ അടിവസ്ത്രത്തില് കൃത്രിമം കാട്ടിയെന്നാണ് കേസ്. അഭിഭാഷകനായ ആന്റണി രാജു കേസിലെ തൊണ്ടിമുതലായ അടിവസ്ത്രം മാറ്റിനല്കിയതിനെ തുടര്ന്ന് പ്രതി ശിക്ഷയില് നിന്ന് രക്ഷപെട്ടിരുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260116023009.jpg)
