ജർമ്മൻ ബുണ്ടസ് ലീഗയിൽ സെന്റ് പൗളിക്കെതിരായ മത്സരത്തിൽ ഒരു ഗോളിന്റെ ജയം കണ്ട് ബയേൺ മ്യൂണിക്. ജമാൽ മുസിയാല 22-ാമത്തെ മിനിറ്റിൽ നേടിയ മികച്ചൊരു ലോങ് റേഞ്ച് ഗോളാണ് ബയേണിന് ജയം സമ്മാനിച്ചത്. ബയേണിന്റെ വലിയ ആധിപത്യം കണ്ട മത്സരത്തിൽ പക്ഷെ അവർക്ക് തുടർന്ന് ഗോളുകൾ നേടാനായില്ല. നിലവിൽ ലീഗിൽ ഒന്നാമതാണ് ബയേൺ.

അതേസമയം ലീഗിലെ മറ്റൊരു മത്സരത്തിൽ ബൊറൂസിയ ഡോർട്ട്മുണ്ട് മെയിൻസിനോട് 3-1 സ്‌കോറിന് പരാജയപ്പെട്ടു. 27-ാമത്തെ മിനിറ്റിൽ എമറെ ചാനിന് ചുവപ്പ് കാർഡ് കണ്ടതാണ് ഡോർട്ട്മുണ്ടിനു തിരിച്ചടിയായത്. മെയിൻസിനായി ലീ ജൊസുങ്, ജൊനാഥൻ ബുർകാർട്ട്, പൗൾ നെബൽ എന്നിവരാണ് ഗോളുകൾ നേടിയത്.

നിലവിൽ ലീഗിൽ ഏഴാം സ്ഥാനത്താണ് ഡോർട്ട്മുണ്ട്. നിലവിലെ ജേതാക്കളായ ബയേർ ലെവർകുസനെ ബോകം 1-1 എന്ന സ്‌കോറിന് സമനിലയിലും തളച്ചു

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്