-20260311045202.jpg)
ബോളിവുഡ് താരം മലൈക അറോറയും നടൻ സൊറാബ് ബേദിയും ഒരുമിച്ച് നൃത്തം ചെയ്യുന്ന വീഡിയോ സോഷ്യൽ മീഡിയയിൽ വൈറലായതോടെ ഇരുവരും പ്രണയത്തിലാണെന്ന തരത്തിൽ വലിയ ചർച്ചകൾ ഉയർന്നിരുന്നു. അർജുൻ കപൂറുമായുള്ള മലൈകയുടെ വേർപിരിയലിന് പിന്നാലെ ഇത്തരം വാർത്തകൾക്ക് വലിയ പ്രചാരമാണ് ലഭിച്ചത്.
എന്നാൽ, ഇപ്പോൾ ഈ വിഷയത്തിൽ പ്രതികരണവുമായി രംഗത്തെത്തിയിരിക്കുകയാണ് സൊറാബ് ബേദി. മലൈകയുമായി തനിക്ക് സൗഹൃദം മാത്രമാണുള്ളതെന്നും പ്രചരിക്കുന്ന വാർത്തകൾ അടിസ്ഥാനരഹിതമാണെന്നും സൊറാബ് വ്യക്തമാക്കി.
സൂം/ടെല്ലി ടോക്ക് ഇന്ത്യയ്ക്ക് നൽകിയ അഭിമുഖത്തിലാണ് 31-കാരനായ സൊറാബ് കാര്യങ്ങൾ വിശദീകരിച്ചത്. തന്റെ മോഡലിംഗ് കാലഘട്ടത്തിലെ മെന്റർമാരായ ഡെൽനാസ് ദരുവാല, വാഹ്ബിസ് മേത്ത എന്നിവർ വഴിയാണ് മലൈകയെ പരിചയപ്പെട്ടതെന്ന് സൊറാബ് പറഞ്ഞു.
വർഷങ്ങളായി തങ്ങൾ ഒരേ സുഹൃദ് വലയത്തിന്റെ ഭാഗമാണെന്നും മുൻപും ഒരുമിച്ചുള്ള ചിത്രങ്ങൾ പങ്കുവെച്ചിട്ടുണ്ടെന്നും അദ്ദേഹം കൂട്ടിച്ചേർത്തു. അന്ന് താൻ ഒരു പ്രശസ്ത മുഖമല്ലാതിരുന്നതുകൊണ്ട് ആരും ശ്രദ്ധിച്ചില്ലെന്നും, ഇപ്പോൾ ജനങ്ങൾ തന്നെ തിരിച്ചറിയാൻ തുടങ്ങിയതോടെയാണ് ഈ പഴയ സൗഹൃദം വാർത്തകളിൽ ഇടംപിടിച്ചതെന്നും സൊറാബ് വ്യക്തമാക്കി.
ഒരു പെൺകുട്ടിയെക്കുറിച്ച് ഇത്തരത്തിൽ ഇല്ലാത്ത കാര്യങ്ങൾ പറഞ്ഞുണ്ടാക്കുന്നത് ശരിയല്ലെന്നും അത് അവരുടെ മാനസികാവസ്ഥയെ ബാധിക്കുമെന്നും സൊറാബ് ഓർമ്മിപ്പിച്ചു. "രണ്ടുപേർ സുഹൃത്തുക്കളാകുന്നതിൽ എന്താണ് തെറ്റ്? ഞങ്ങൾ പരസ്പരം വിശ്വസിക്കുന്ന നല്ല സുഹൃത്തുക്കളാണ്. എന്നാൽ ആളുകൾ അതിനെ മറ്റൊരു രീതിയിൽ വ്യാഖ്യാനിച്ചു," സൊറാബ് പറഞ്ഞു.
നിലവിൽ സ്പ്ലിറ്റ്സ്വില്ല 16 എന്ന റിയാലിറ്റി ഷോയിലെ മത്സരാർത്ഥിയായ സൊറാബ്, 'ദിൽവാലി ദുൽഹാ ലേ ജായേഗി', 'ചന്ദ് ജൽനേ ലഗാ' തുടങ്ങിയ ടെലിവിഷൻ പരമ്പരകളിലൂടെയാണ് പ്രേക്ഷകർക്ക് സുപരിചിതനായത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260330112759.jpg)
-20260314043920.jfif)
1-20260330101609.jpg)
1-20260330094802.jpg)
1-20260330055254.jpg)
1-20260328054422.jpg)
-20260327075256.jpg)
