പ്രശസ്ത അമേരിക്കൻ ഗോസിപ്പ് ബ്ലോഗറും സോഷ്യൽ മീഡിയ ഇൻഫ്ലുവൻസറുമായ പെരസ് ഹിൽട്ടൺ ചികിത്സാ കേന്ദ്രത്തിൽ മക്കളെ സന്ദർശിച്ചു. ആത്മഹത്യാശ്രമത്തെ തുടർന്ന് മാസങ്ങളായി ചികിത്സയിലും നിരീക്ഷണത്തിലും കഴിയുന്ന ഹിൽട്ടൺ, മക്കളായ മാരിയോ (13), മിയ (11), മെയ്തെ (8) എന്നിവരെയാണ് മേൽനോട്ടത്തിൽ കണ്ടുമുട്ടിയത്. വീഡിയോ കോളുകൾക്ക് ശേഷമാണ് ആശുപത്രി അധികൃതരുടെ അനുവാദത്തോടെയുള്ള ഈ ഹൃദയസ്പർശിയായ കൂടിക്കാഴ്ച നടന്നത്.
കഴിഞ്ഞ ആഗസ്റ്റ് 4-നാണ് ലൈവ് സ്ട്രീമിംഗിനിടെ ഹിൽട്ടന്റെ ഭാഗത്തുനിന്ന് ആശങ്കാജനകമായ സംഭവങ്ങളുണ്ടായത്. തുടർന്ന് ആരാധകരുടെ വിവരമറിയിക്കലിനെ തുടർന്ന് എമർജൻസി വിഭാഗം അദ്ദേഹത്തെ ആശുപത്രിയിലേക്ക് മാറ്റുകയായിരുന്നു. നിലവിൽ കോടതി ഹിൽട്ടന്റെ അമ്മ തെരേസിത ലവാണ്ടെയ്റയ്ക്ക് കുട്ടികളുടെ താൽക്കാലിക സംരക്ഷണം അനുവദിച്ചിരിക്കുകയാണ്.
മെഡിക്കൽ ഫെസിലിറ്റിയിൽ തുടരുന്നതിനാൽ ഹിൽട്ടനുമായുള്ള ആശയവിനിമയം ഇപ്പോഴും പരിമിതപ്പെടുത്തിയിരിക്കുകയാണ്. ദിവസേന സംസാരിക്കാൻ സാധിക്കുന്നില്ലെങ്കിലും മാനസികാരോഗ്യം വീണ്ടെടുക്കുന്നതിനാണ് മുൻഗണന നൽകുന്നതെന്ന് ഔദ്യോഗിക ബ്ലോഗ് കുറിപ്പിൽ വ്യക്തമാക്കുന്നു. രോഗാവസ്ഥയുടെ കാരണങ്ങൾ തിരിച്ചറിയാനും അതിനെ നേരിടാനുമുള്ള ചികിത്സകളിലാണ് അദ്ദേഹം ഇപ്പോൾ ശ്രദ്ധ കേന്ദ്രീകരിക്കുന്നത്.
ആശുപത്രിയിൽ നിന്നുള്ള അദ്ദേഹത്തിന്റെ ഡിസ്ചാർജ് തീയതിയെക്കുറിച്ച് നിലവിൽ വ്യക്തതയില്ലെന്നും ഡോക്ടർമാരുടെ നിർദ്ദേശപ്രകാരമാണ് കാര്യങ്ങൾ മുന്നോട്ട് പോകുന്നതെന്നും കുടുംബം അറിയിച്ചു. സാമ്പത്തിക സഹായങ്ങൾ നൽകിയ സുഹൃത്ത് ടോം ഡിഅംഗോറയ്ക്കും കുടുംബം നന്ദി രേഖപ്പെടുത്തി. പ്രയാസകരമായ ഈ ഘട്ടത്തിൽ തങ്ങളെ പിന്തുണച്ച എല്ലാവരുടെയും പ്രാർത്ഥനകൾക്ക് ഹിൽട്ടന്റെ കുടുംബം നന്ദി അറിയിച്ചു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260930044043.jpg)
-20201019102912.jpg)
-20201113034017.jpg)
1-20260922052614.jpg)
