ദുരന്തങ്ങൾ മൂലം പ്രതിസന്ധിയിലായ വനിതാ സംരംഭകരെ സഹായിക്കാൻ പുതിയ പദ്ധതിയുമായി ഹിൽട്ടൺ,  പാരിസ് ഹിൽട്ടൺ . 'ബാക്ക് ഇൻ ബിസിനസ് റിക്കവറി ഫണ്ട്' (Back in Business Recovery Fund) എന്ന് പേരിട്ടിരിക്കുന്ന ഈ സംരംഭം തിങ്കളാഴ്ചയാണ് പ്രഖ്യാപിച്ചത്. 

അമേരിക്കയിലുടനീളം പ്രകൃതിക്ഷോഭങ്ങളും മറ്റ് ദുരന്തങ്ങളും കാരണം ബിസിനസ് തകർന്ന സ്ത്രീകൾക്ക് കൈത്താങ്ങാവുകയാണ് ഈ പദ്ധതിയുടെ ലക്ഷ്യം.

പദ്ധതിയുടെ തുടക്കമെന്ന നിലയിൽ 3.5 ലക്ഷം ഡോളർ (ഏകദേശം 2.9 കോടി രൂപ) പാരിസ് ഹിൽട്ടൺ വ്യക്തിപരമായി നൽകി. മാർച്ച് അവസാനത്തോടെ കുറഞ്ഞത് 10 ലക്ഷം ഡോളർ സമാഹരിക്കാനാണ് ലക്ഷ്യമിടുന്നത്. 

2025-ലെ ലോസ് ഏഞ്ചൽസ് കാട്ടുതീയിൽ ബിസിനസ് നഷ്ടപ്പെട്ട വനിതകളെ സഹായിക്കാൻ പാരിസ് നേരത്തെ നടത്തിയ പ്രവർത്തനങ്ങളുടെ വിപുലീകരണമാണിത്. പാരിസ് ഹിൽട്ടന്റെ '11:11 മീഡിയ ഇംപാക്ട്' എന്ന സംഘടനയും ഗോഫണ്ട്മി (GoFundMe.org) എന്ന പ്ലാറ്റ്‌ഫോമും സംയുക്തമായാണ് ഈ ഫണ്ട് കൈകാര്യം ചെയ്യുന്നത്.

ഗോഫണ്ട്മി ഇതിനായി ഒരു ലക്ഷം ഡോളർ അധികമായി നൽകും. അമേരിക്കയിലെ ദുരന്തബാധിത മേഖലകളിലെ ചെറുകിട ബിസിനസ് ഉടമകൾക്ക് വലിയ ആശ്വാസം നൽകുന്നതാണ് ഈ നീക്കം.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്