പ്രണയങ്ങളും, അവിഹിതവും,വഴിവിട്ട ബന്ധങ്ങളും! മൈക്കൽ ഡഗ്ലസ് മനസ്സ് തുറക്കുന്നു

OCTOBER 6, 2026, 10:33 PM

ഹോളിവുഡ് ഇതിഹാസം മൈക്കൽ ഡഗ്ലസ് തന്റെ ജീവിതത്തിലെയും പ്രണയങ്ങളിലെയും നാടകീയ നിമിഷങ്ങൾ പങ്കുവെച്ചുകൊണ്ട് പുറത്തിറക്കിയ പുതിയ ഓർമ്മക്കുറിപ്പുകൾ ചലച്ചിത്ര ലോകത്ത് വലിയ ചർച്ചയാകുന്നു. പതിറ്റാണ്ടുകളായി സിനിമാ ലോകത്ത് രഹസ്യമായി സൂക്ഷിച്ച തന്റെ വ്യക്തിജീവിതത്തിലെയും സിനിമാ സെറ്റുകളിലെയും വഴിവിട്ട ബന്ധങ്ങളെക്കുറിച്ച് യാതൊരു ഒളിച്ചുകളിയുമില്ലാതെയാണ് താരം തുറന്നെഴുതിയിരിക്കുന്നത്.

'ബേസിക് ഇൻസ്റ്റിങ്ക്റ്റ്' എന്ന സൂപ്പർഹിറ്റ് ചിത്രത്തിന്റെ ചിത്രീകരണത്തിനിടെ സഹതാരം ജീൻ ത്രിപ്പിൾഹോണുമായി തനിക്കുണ്ടായിരുന്ന പ്രണയത്തെക്കുറിച്ചാണ് പുസ്തകത്തിലെ പ്രധാന വെളിപ്പെടുത്തൽ. തനിക്കേക്കാൾ 20 വയസ്സോളം ഇളപ്പമുള്ള ജീനുമായി താൻ കടുത്ത പ്രണയത്തിലായിരുന്നുവെന്ന് മൈക്കൽ ഡഗ്ലസ് സമ്മതിക്കുന്നു.

അക്കാലത്ത് മാധ്യമങ്ങൾ താനും നടിയായ ഷാരോൺ സ്റ്റോണും തമ്മിലാണ് പ്രണയത്തിലെന്ന രീതിയിലാണ് വാർത്തകൾ നൽകിയിരുന്നത്. എന്നാൽ യഥാർത്ഥ പ്രണയം ഷാരോണുമായിട്ടല്ല, ജീനുമായിട്ടായിരുന്നുവെന്നും മാധ്യമങ്ങൾ അത് തിരിച്ചറിഞ്ഞില്ലെന്നും അദ്ദേഹം പുസ്തകത്തിൽ കുറിക്കുന്നു. അക്കാലത്ത് ഡയാൻഡ്ര ലൂക്കറുമായി വിവാഹബന്ധത്തിലായിരുന്ന ഡഗ്ലസിന്റെ ഈ ബന്ധം ചിത്രത്തിന്റെ നിർമ്മാണം പൂർത്തിയായതോടെ അവസാനിക്കുകയായിരുന്നു.

കൂടാതെ, തന്റെ ആദ്യ ഭാര്യ ഡയാൻഡ്ര ലൂക്കർ മറ്റൊരു സ്ത്രീയോടൊപ്പം കിടപ്പറയിൽ വെച്ച് തന്നെ കൈയോടെ പിടികൂടിയ ഭയാനകമായ ആ നിമിഷവും അദ്ദേഹം ഓർത്തെടുക്കുന്നുണ്ട്. ഈ സംഭവത്തിന് ശേഷം ലഹരിവിമുക്ത കേന്ദ്രത്തിൽ ചികിത്സയ്ക്ക് പോവുകയോ , അല്ലെങ്കിൽ വിവാഹമോചനം നേടുകയോ വേണമെന്ന ഭാര്യയുടെ അന്ത്യശാസനത്തിന് വഴങ്ങി അദ്ദേഹം ചികിത്സയ്ക്ക് വിധേയനാവുകയായിരുന്നു.

'റോമാൻസിങ് ദി സ്റ്റോൺ' എന്ന ചിത്രത്തിൽ ഒപ്പം അഭിനയിച്ച കാത്‌ലീൻ ടർണറുമായുള്ള പ്രണയത്തെക്കുറിച്ചും അദ്ദേഹം പുസ്തകത്തിൽ സൂചിപ്പിക്കുന്നുണ്ട്. 'വാൾ സ്ട്രീറ്റ്' എന്ന ചിത്രത്തിലെ പ്രകടനത്തിന് മികച്ച നടനുള്ള ഓസ്കാറും 'വൺ ഫ്ലൂ ഓവർ ദി കുക്കൂസ് നെസ്റ്റ്' എന്ന ചിത്രത്തിന്റെ നിർമ്മാണത്തിന് ഓസ്കാറും കരസ്ഥമാക്കിയ മൈക്കൽ ഡഗ്ലസിന്റെ ഈ തുറന്നുപറച്ചിലുകൾ ഹോളിവുഡ് മാധ്യമങ്ങളിൽ വലിയ ചർച്ചകൾക്കാണ് വഴിതുറന്നിരിക്കുന്നത്.