ഡൽഹി സമരത്തിനും വിദ്യാർത്ഥികൾക്കും പിന്തുണയുമായി മഞ്ജു വാര്യർ

JULY 23, 2026, 10:50 AM

നീറ്റ് ചോദ്യപേപ്പർ ചോർച്ചയിൽ കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാൻ രാജിവെക്കണമെന്നാവശ്യപ്പെട്ട് വിദ്യാർത്ഥികൾ നടത്തുന്ന പ്രക്ഷോഭത്തിന് പിന്തുണയുമായി നടി മഞ്ജു വാര്യർ രംഗത്ത്.ഫേസ്ബുക്ക് കുറിപ്പിലൂടെയാണ് പിന്തുണയുമായി രംഗത്തുവന്നിരിക്കുന്നത്.

നമ്മുടെ യുവതലമുറയ്ക്ക് ചോദ്യങ്ങൾ ചോദിക്കാനും ആശങ്കകൾ പങ്കുവെക്കാനും സമാധാനപരമായി പ്രതിഷേധിക്കാനും അവകാശമുണ്ടെന്ന് മഞ്ജു വാര്യർ കുറിപ്പിൽ പറഞ്ഞു. മാനുഷികതയാണ് എല്ലാ രാഷ്ട്രീയത്തിനും മേലെ നിൽക്കേണ്ടത്.

ഇന്ത്യയിലെവിടെയായാലും പരീക്ഷാ സമ്പ്രദായങ്ങളുടെ വിശ്വാസ്യത കാത്തുസൂക്ഷിക്കണമെന്നും മെറിറ്റിനും സത്യസന്ധതയ്ക്കും നീതിക്കും എന്നും മുൻഗണന ലഭിക്കണമെന്നും അവർ കുറിപ്പിൽ പറഞ്ഞു.