മൂന്നാമത്തെയും നിർണായകവുമായ ടെസ്റ്റ് മത്സരത്തിൽ ഓസ്‌ട്രേലിയയെ 176 റൺസിന് പരാജയപ്പെടുത്തി ദക്ഷിണാഫ്രിക്ക പരമ്പര 2-1 ന് സ്വന്തമാക്കി. ഇതോടെ ഐ.സി.സി ടെസ്റ്റ് റാങ്കിംഗിൽ ഒന്നാം സ്ഥാനവും അവർ തിരിച്ചുപിടിച്ചു. 288 റൺസ് എന്ന വിജയലക്ഷ്യം പിന്തുടർന്ന ഓസ്‌ട്രേലിയയെ, അഞ്ചാം ദിവസം വെറും 111 റൺസിന് പുറത്താക്കിയാണ് ആതിഥേയരായ ദക്ഷിണാഫ്രിക്ക വിജയം ഉറപ്പിച്ചത്. 2016 ജനുവരിക്ക് ശേഷം ആദ്യമായാണ് ദക്ഷിണാഫ്രിക്ക ടെസ്റ്റ് റാങ്കിംഗിൽ ഒന്നാമതെത്തുന്നത്.
ഓസ്‌ട്രേലിയയുടെ തകർച്ചയിൽ നിർണായക പങ്കുവഹിച്ചത് പേസർ കഗിസോ റബാഡയാണ്. തന്റെ ആദ്യ സ്‌പെല്ലിൽ തന്നെ മൂന്ന് പ്രധാന വിക്കറ്റുകൾ വീഴ്ത്തി അദ്ദേഹം ഓസ്‌ട്രേലിയയെ പ്രതിരോധത്തിലാക്കി. മാറ്റ് റെൻഷോയെ റണ്ണൊന്നുമെടുക്കാതെ പുറത്താക്കിയ റബാഡ, മാർനസ് ലബുഷെയ്‌നിനെ എൽബിഡബ്ല്യുയിലൂടെയും, ട്രാവിസ് ഹെഡിനെ (14 റൺസ്) പുറത്താക്കിയും തിരിച്ചടി നൽകി. മത്സരത്തിൽ 39 റൺസ് വഴങ്ങി 3 വിക്കറ്റുകൾ വീഴ്ത്തി റബാഡ. ഇന്നലെ തുടക്കത്തിൽ തന്നെ ഓസ്‌ട്രേലിയായുടെ 3 വിക്കറ്റിന് 22 റൺസിന് വീണതോടെ ദക്ഷിണാഫ്രിക്കയ്ക്ക് മികച്ച മുൻ തൂക്കം നൽകിയിരുന്നു.
തുടർന്ന് ഓഫ് സ്പിന്നർ സൈമൺ ഹാർമർ, ഓസ്‌ട്രേലിയയുടെ മധ്യനിരയെയും വാലറ്റത്തെയും തകർത്തെറിഞ്ഞു. 21.1 ഓവറുകൾ എറിഞ്ഞ അദ്ദേഹം 16 റൺസ് മാത്രം വഴങ്ങി 6 വിക്കറ്റുകൾ വീഴ്ത്തി. അലക്‌സ് കാരി, കൂപ്പർ കോണോലി, മിച്ചൽ സ്റ്റാർക്ക്, കാമറൂൺ ഗ്രീൻ, പാറ്റ് കമ്മിൻസ്, ജോഷ് ഹേസൽവുഡ് എന്നിവരെയാണ് അദ്ദേഹം പുറത്താക്കിയത്. നഥാൻ ലിയോൺ പൊരുതിനോക്കി 33 റൺസ് നേടിയെങ്കിലും, ഓസ്‌ട്രേലിയക്ക് മത്സരത്തിലേക്ക് തിരിച്ചുവരാനായില്ല. ക്യാപ്ടൻ പാറ്റ് കമ്മിൻസ് 90 പന്തുകൾ നേരിട്ട് 11 റൺസ് എടുത്ത ശേഷം ഹാർമറിന് വിക്കറ്റ് സമ്മാനിച്ചു. ദക്ഷിണാഫ്രിക്കയുടെ മികച്ച ബൗളിംഗ് പ്രകടനം ന്യൂലാൻഡ്‌സിൽ അവർക്ക് അവിസ്മരണീയമായ വിജയം സമ്മാനിച്ചു. ഇതോടെ പരമ്പര ട്രോഫിക്കൊപ്പം ലോക ടെസ്റ്റ് ക്രിക്കറ്റിലെ ഒന്നാം സ്ഥാനവും ദക്ഷിണാഫ്രിക്ക സ്വന്തമാക്കി.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
