തൃശ്ശൂരിൽ വിഎസ് സുനിൽകുമാറിനെ ഇറക്കണമെന്ന നിർബന്ധം ആർക്കാണ്?

JANUARY 21, 2024, 3:15 PM

തിരുവനന്തപുരം: വിഎസ് സുനിൽകുമാറിനെ ലോക്സഭാ തെരഞ്ഞെടുപ്പിൽ തൃശ്ശൂരിലിറക്കണമെന്ന നിര്‍ബന്ധം സിപിഎമ്മിനോ? ശക്തമായ ത്രികോണമത്സരമാകും തൃശ്ശൂരിൽ നടക്കുക എന്നത് ഉറപ്പാണ്. അതിനാൽ തന്നെ തൃശൂരിന് വേണ്ടി ഇടതുമുന്നണി പ്രത്യേക പ്രചാരണ തന്ത്രം തന്നെ ഒരുക്കുമെന്നാണ് റിപ്പോർട്ട്.

തിരുവനന്തപുരവും വയനാടും ദേശീയ ശ്രദ്ധ നേടുന്ന മണ്ഡലങ്ങലാണ്. അതുകൊണ്ട് തന്നെ തൃശ്ശൂർ, തിരുവനന്തപുരം, വയനാട് മണ്ഡലങ്ങളിൽ സിപിഎം പ്രത്യേക ശ്രദ്ധപതിപ്പിക്കും.

പ്രധാനമന്ത്രി നേരിട്ടെത്തിയതോടെ സുരേഷ് ഗോപി തൃശ്ശൂരിൽ പ്രചരണത്തിൽ മുന്നിലെത്തിയിരിക്കുകയാണ്. അതുകൊണ്ട് തന്നെ വിഎസ് സുനിൽകുമാര്‍ ഇത്തവണ കളത്തിലിറങ്ങട്ടെയെന്നാണ് സിപിഎമ്മിന്റെ നിലപാടെന്നാണ് സൂചന.