ലീഗിനായി എൽഡിഎഫ് കൺവീനർ കണ്ണീരൊഴുക്കേണ്ടെന്ന് കെ മുരളീധരൻ

FEBRUARY 26, 2024, 10:41 AM

കോഴിക്കോട്: മൂന്നാമത്തെ സീറ്റെന്ന മുസ്ലിം ലീഗ് ആവശ്യത്തിൽ കോൺഗ്രസ് ബുദ്ധിമുട്ട് അറിയിച്ചുവെന്നാണ് കഴിഞ്ഞ ദിവസം പുറത്തുവരുന്ന റിപ്പോർട്ടുകൾ.

ലീഗിന്റെ അതൃപ്തിയെ മുതലെടുക്കാൻ പല വിധത്തിൽ നോക്കുകയാണ് എൽഡിഎഫ്. ഈ വിഷയത്തിൽ എൽഡിഎഫ് കൺവീനർ ഇപി ജയരാജന് മറുപടി നൽകിയിരിക്കുകയാണ് കോൺഗ്രസ് നേതാവും വടകര എംപിയുമായ കെ മുരളീധരൻ.

മുസ്ലിം ലീഗിനായി ഇപി ജയരാജൻ കണ്ണീരൊഴുക്കേണ്ടെന്നാണ് മുരളീധരൻ പറഞ്ഞത്. ആര്‍ജെഡിയുടെ പ്രശ്നം എൽഡിഎഫ് ആദ്യം പരിഹരിക്കട്ടെ.

മുസ്ലിം ലീഗുമായുള്ള പ്രശ്നങ്ങൾക്ക് പരിഹാരമായെന്നാണ് തന്റെ അറിവ്. മുസ്ലിം ലീഗും കോൺഗ്രസും തമ്മിലുള്ള സഖ്യം നിലനിര്‍ത്താൻ എന്ത് വിട്ടുവീഴ്ചയ്ക്കും തങ്ങൾ തയ്യാറാണെന്നും 53 വര്‍ഷം മുൻപ് മുസ്ലിം ലീഗുമായി സഖ്യമുണ്ടാക്കിയത് തന്റെ അച്ഛനാണെന്നും മുരളീധകർ കൂട്ടിച്ചേർത്തുയ

കെ സുധാകരന്റേത് മുഴുവൻ വാക്യമാണെങ്കിൽ തമിഴ് ഭാഷയിൽ പറയുന്ന പ്രയോഗമാണ്. ആദ്യത്തെ ഭാഗം മാത്രമാണെങ്കിൽ മൈ ഡിയര്‍ എന്ന് വിശേഷിപ്പിക്കാം. ഇതൊന്നും വഴക്കിന്റെ ഭാഗമല്ലെന്നും അദ്ദേഹം കോഴിക്കോട് മാധ്യമപ്രവര്‍ത്തകരോട് പറഞ്ഞു.