ലാൽ ബഹാദൂർ ശാസ്ത്രിയുടെ ചെറുമകൻ ബിജെപിയിൽ

FEBRUARY 14, 2024, 8:41 PM

മുൻ പ്രധാനമന്ത്രി ലാൽ ബഹാദൂർ ശാസ്ത്രിയുടെ ചെറുമകൻ വിഭാകർ ശാസ്ത്രി കോണ്ഗ്രസ് വിട്ട് ബിജെപിയിൽ . ഉത്തർപ്രദേശ് ഉപമുഖ്യമന്ത്രി ബ്രജേഷ് പതക്കിന്റെ സാന്നിധ്യത്തിലാണ് ബിജെപി അംഗത്വമെടുത്തത്.

കോൺഗ്രസിന്റെ പ്രാഥമിക അംഗത്വത്തിൽ നിന്നും രാജിവയ്ക്കുന്ന കാര്യം എക്‌സ് ഹാൻഡിലൂടെയാണ് വിഭാകർ ശാസ്ത്രി പ്രഖ്യാപിച്ചത്. കഴിഞ്ഞ ലോക്‌സഭാ തിരഞ്ഞെടുപ്പിൽ വിഭാകർ ശാസ്ത്രി കോൺഗ്രസ് ടിക്കറ്റിൽ മത്സരിച്ച് പരാജയപ്പെട്ടിരുന്നു.

ലാൽ ബഹദൂർ ശാസ്ത്രിയുടെ 'ജയ് ജവാൻ, ജയ് കിസാൻ' എന്ന കാഴ്ചപ്പാട് ശക്തിപ്പെടുത്താൻ പ്രധാനമന്ത്രി നരേന്ദ്ര മോദിക്ക് കഴിയുമെന്നും അദ്ദേഹത്തിൻ്റെ നേതൃത്വത്തിൽ രാജ്യത്തിൻ്റെ പുരോഗതിക്കായി പ്രവർത്തിക്കാൻ കഴിയുമെന്ന് വിശ്വസിക്കുന്നതായും ബിജെപിയിൽ ചേർന്നതിന് ശേഷം വിഭാകർ ശാസ്ത്രി പറഞ്ഞു.