ഹോളിവുഡിലെ പ്രശസ്ത നടൻ ആർ.ജെ. മിട്ടെ അന്തരിച്ചു

ഹോളിവുഡിലെ പ്രശസ്തമായ 'ബ്രേക്കിംഗ് ബാഡ്' എന്ന പരമ്പരയിലൂടെ ശ്രദ്ധേയനായ നടൻ ആർ.ജെ. മിട്ടെ (34) അന്തരിച്ചു.

ഒക്ടോബർ 12ന് ടെക്‌സസിലെ ബ്രൗൺസ്വില്ലെയിലായിരുന്നു അന്ത്യം. മരണകാരണം ഔദ്യോഗികമായി പുറത്തുവിട്ടിട്ടില്ല.

'ബ്രേക്കിംഗ് ബാഡ്' എന്ന പരമ്പരയിൽ വാൾട്ടർ വൈറ്റ് ജൂനിയർ എന്ന കഥാപാത്രത്തെ അവതരിപ്പിച്ചാണ് മിട്ടെ ലോകമെമ്പാടും പ്രശസ്തനായത്. തനിക്ക് ബാധിച്ചിരുന്ന സെറിബ്രൽ പാൽസി  എന്ന അവസ്ഥയെ വെല്ലുവിളിയായി കാണാതെ, അതിനെ കഥാപാത്രത്തിലേക്ക് പകർന്നുകൊണ്ട് അദ്ദേഹം അഭിനയരംഗത്ത് വലിയ മാറ്റങ്ങൾ സൃഷ്ടിച്ചു.

അഭിനയത്തിന് പുറമെ ഭിന്നശേഷിക്കാരുടെ അവകാശങ്ങൾക്കായുള്ള പോരാട്ടങ്ങളിലും ജീവകാരുണ്യ പ്രവർത്തനങ്ങളിലും അദ്ദേഹം സജീവമായിരുന്നു.

ദ മിട്ടെ ഫൗണ്ടേഷന്റെ പ്രസിഡന്റായും, യുണൈറ്റഡ് സെറിബ്രൽ പാൽസി, ശ്രൈനേഴ്‌സ് ചിൽഡ്രൻസ് എന്നിവയുടെ അംബാസഡറായും അദ്ദേഹം പ്രവർത്തിച്ചു.

കഴിഞ്ഞ വർഷം കെഡി സുവാറസുമായുള്ള അദ്ദേഹത്തിന്റെ വിവാഹനിശ്ചയം കഴിഞ്ഞിരുന്നു. അദ്ദേഹത്തിന്റെ വിയോഗത്തിൽ സിനിമാലോകവും ആരാധകരും അനുശോചനം രേഖപ്പെടുത്തി.

ഫേസ്ബുക്കിൽ വാർത്തകൾ അറിയാൻ പേജ് ലൈക്ക് ചെയ്യുക Facebook ലിങ്ക് 👇
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്തിട്ട് ലൈക്ക് / Follow ബട്ടൺ ക്ലിക്ക് ചെയ്യുക. ഒപ്പം vachakam.com ന്റെ YouTube ചാനൽ സബ്സ്ക്രൈബ് ചെയ്യാനും മറക്കല്ലേ...
ചാനൽ ലിങ്ക്: https://www.youtube.com/channel/UCXRVmXRlpFL8TzgXtb8IIyw?sub_confirmation=1