'ചെറിയൊരു കുടുംബ പ്രശ്നം'! ഭാര്യയെ തല്ലിയെന്ന പരാതിയിൽ കേസിൽ പ്രതികരിച്ച് ബിജെപി നേതാവ്

JUNE 12, 2026, 7:55 PM

തൃശൂർ: ഭാര്യയെ തല്ലിയതിനെ തുടർന്ന് കഴിഞ്ഞ ദിവസമാണ് ബിജെപി നേതാവ് എ ആർ ശ്രീകുമാറിനെതിരെ പൊലീസ് കേസെടുത്തത്. ഇപ്പോഴിതാ സംഭവത്തിൽ പ്രതികരിക്കുകയാണ് അദ്ദേഹം.

ചെറിയൊരു കുടുംബ വിഷയത്തെ പർവതീകരിച്ച് അതിനെ ആഘോഷമാക്കി പ്രചരിപ്പിക്കുന്നത് തീർത്തും പ്രതിഷേധാർഹമാണെന്ന് ബിജെപിയുടെ തൃശൂർ സൗത്ത് പ്രസിഡൻറ് ശ്രീകുമാർ പറഞ്ഞു. വ്യക്തിഹത്യയും അപകീർത്തി പ്രചാരണവും ജനാധിപത്യത്തിന് യോജിച്ചതല്ലെന്നും വാർത്താ കുറിപ്പിൽ പറയുന്നു.

പത്ര ദൃശ്യ മാധ്യമ രംഗങ്ങളിലും രാഷ്ട്രീയ മേഖലയിലും പ്രവർത്തിക്കുന്ന നിരവധി വ്യക്തികളുടെ ജീവിതത്തിൽ കുടുംബപരമായ പ്രശ്നങ്ങളും അഭിപ്രായ വ്യത്യാസങ്ങളും ഉണ്ടായിട്ടുള്ളതും ഉണ്ടായിക്കൊണ്ടിരിക്കുന്നതുമാണ്.

എന്നാൽ ഇത്തരം വിഷയങ്ങളെ മനുഷ്യസ്‌നേഹവും സാമാന്യ മര്യാദയും മറന്ന് വ്യക്തിഹത്യയ്ക്കും സാമൂഹിക അധിക്ഷേപത്തിനും ആയുധമാക്കുന്നത് ഒരിക്കലും ന്യായീകരിക്കാനാവില്ലെന്ന് വാർത്താക്കുറിപ്പിൽ പറയുന്നു.