1-20260409080406.jpg)
തിരുവനന്തപുരം: കാട്ടാക്കടയിൽ വോട്ട് രേഖപ്പെടുത്താനെത്തിയ വയോധികന്റെ വോട്ട് ഉദ്യോഗസ്ഥൻ സ്വന്തം ഇഷ്ടപ്രകാരം രേഖപ്പെടുത്തിയതിനെ തുടർന്ന് പോളിങ് ബൂത്തിൽ വൻ പ്രതിഷേധം. സെന്റ് ആന്റണീസ് സ്കൂൾ കട്ടക്കോട്യിലെ 71-ാം നമ്പർ ബൂത്തിലാണ് സംഭവം. 83കാരനായ സത്യൻ വോട്ട് ചെയ്യാനെത്തിയപ്പോഴാണ് വിവാദം ഉണ്ടായത്.
നടക്കാൻ ബുദ്ധിമുട്ടുള്ളതിനാൽ ചെറുമകനെ സഹായിയായി കൂട്ടിയെത്തിയ സത്യന് പകരം, ബൂത്തിലെ ഒരു ഉദ്യോഗസ്ഥനെയാണ് സഹായത്തിനായി നിയോഗിച്ചത്. എന്നാൽ, സത്യനോട് ചോദിക്കാതെ തന്നെ ഉദ്യോഗസ്ഥൻ ഐ.ബി. സതീഷ്ന് വോട്ട് രേഖപ്പെടുത്തിയെന്നാണ് പരാതി.
ഇത് ശ്രദ്ധയിൽപ്പെട്ടതോടെ സത്യൻ ബൂത്തിനുള്ളിൽ തന്നെ പ്രതിഷേധിച്ചു. താൻ ഉദ്ദേശിച്ച സ്ഥാനാർഥിക്കാണ് വോട്ട് ചെയ്യേണ്ടതെന്നും, അതുവരെ മടങ്ങില്ലെന്നും അദ്ദേഹം ഉറപ്പിച്ചു. സംഭവം പുറത്തറിയിച്ചതോടെ യുഡിഎഫ്-എൽഡിഎഫ് പ്രവർത്തകർ തമ്മിൽ ബൂത്തിന് പുറത്തു തർക്കം ശക്തമായി. യുഡിഎഫ് ഉദ്യോഗസ്ഥർക്കെതിരെ നടപടി ആവശ്യപ്പെട്ടപ്പോൾ, പോളിങ് തടസപ്പെടുത്തരുതെന്നാണ് എൽഡിഎഫ് നിലപാട്.
പ്രതിഷേധം രൂക്ഷമായതോടെ തെരഞ്ഞെടുപ്പ് കമ്മീഷൻ ഇടപെട്ട്, തെറ്റായി രേഖപ്പെടുത്തിയ വോട്ട് അസാധുവാക്കുകയും സത്യന് വീണ്ടും വോട്ട് ചെയ്യാൻ അവസരം നൽകുകയും ചെയ്തു. തുടർന്ന് സത്യൻ താൻ ആഗ്രഹിച്ച സ്ഥാനാർഥിക്കാണ് വോട്ട് രേഖപ്പെടുത്തി മടങ്ങിയത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260326112010.jpg)
1-20260411052145.jpg)
