കോഴിക്കോട്: പേരാമ്പ്രയിൽ കാറിന് തീപിടിച്ച് മരിച്ച സോനയുടെ ഭര്ത്താവും മരിച്ചു.രജിലാലാണ് മരിച്ചത്. ഗുരുതരമായി പൊള്ളേലേറ്റ് ചികിത്സയില് കഴിയുന്നതിനിടെയാണ് മരണം സംഭവിച്ചത്.മൃതദേഹം കോഴിക്കോട് മെഡിക്കല് കോളേജ് ആശുപത്രിയിലേക്ക് മാറ്റി. പോസ്റ്റ്മോര്ട്ടം നാളെ നടത്തും.
മെയ് പതിനഞ്ചിന് രാത്രി ഒന്പത് മണിയോടെയായിരുന്നു സംഭവം നടന്നത്. ബന്ധുവീട്ടില് പോയി വീട്ടിലേക്ക് മടങ്ങുന്നതിനിടെയായിരുന്നു കാറിന് തീപിടിച്ചത്.തീ പടരുന്നത് ശ്രദ്ധയില്പ്പെട്ട രജിന്ലാല് ഉടന് തന്നെ കാറില് നിന്ന് പുറത്തിറങ്ങി പിന്സീറ്റില് ഇരുന്നിരുന്ന സോനയെ കാറില് നിന്ന് ഇറക്കാന് ശ്രമിച്ചെങ്കിലും ഡോര് ലോക്കായതിനാല് സാധിച്ചില്ല. അപ്പോഴേക്കും രജിന്റെ ശരീരത്തില് തീ ആളിപ്പടര്ന്നു. ഇതോടെ രജിന് തൊട്ടടുത്തുള്ള തോട്ടിലേക്ക് ചാടി. കാറില് നിന്ന് തീയും പുകയും ഉയരുന്നത് ശ്രദ്ധയിൽപ്പെട്ട ഉടന് തന്നെ നാട്ടുകാര് സംഭവ സ്ഥലത്തേക്ക് ഓടിയെത്തുകയായിരുന്നു. ഉടന് തന്നെ സോനയേയും രജിനെയും മെഡിക്കല് കോളേജ് ആശുപത്രിയില് പ്രവേശിപ്പിച്ചെങ്കിലും സോന മരിച്ചിരുന്നു.
അതേസമയം, പൊലീസ് നടത്തിയ പ്രാഥമിക അന്വേഷണത്തില് ഷോര്ട്ട് സര്ക്യൂട്ടല്ല തീപിടിക്കാന് കാരണമെന്ന് വ്യക്തമായിരുന്നു. തുടര്ന്ന് നടത്തിയ അന്വേഷണത്തില് സോന പെട്രോള് വാങ്ങുന്നതിന്റെ സിസിടിവി ദൃശ്യങ്ങള് പൊലീസ് കണ്ടെത്തിയിരുന്നു. കാറില് പെട്രോളിന്റെ ഗന്ധം ഉണ്ടായിരുന്നതായി ചികിത്സയില് കഴിയുന്നതിനിടെ രജിൻ മൊഴി നല്കുകയും ചെയ്തിരുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
