ആശുപത്രികൾക്ക് ‘കായകൽപ്പം’; സമഗ്ര വികസന പദ്ധതിയുമായി ആരോഗ്യവകുപ്പ്

JUNE 4, 2026, 10:32 PM

തിരുവനന്തപുരം: സംസ്ഥാനത്തെ സർക്കാർ ആശുപത്രികളുടെ അടിസ്ഥാന സൗകര്യങ്ങളും സേവനങ്ങളും മെച്ചപ്പെടുത്താൻ ആരോഗ്യവകുപ്പ് പുതിയ പദ്ധതിയുമായി രംഗത്ത്. ‘കായകൽപ്പം’ എന്ന പേരിൽ ആരോഗ്യ വകുപ്പ് മന്ത്രി കെ. മുരളീധരൻയുടെ നേതൃത്വത്തിൽ സംസ്ഥാനവ്യാപക ജനസമ്പർക്ക പരിപാടി സംഘടിപ്പിക്കാനാണ് തീരുമാനം.

പദ്ധതിയുടെ ഭാഗമായി സംസ്ഥാനത്തെ വിവിധ ആശുപത്രികളിൽ ഉപയോഗിക്കാതെ കിടക്കുന്ന കെട്ടിടങ്ങളുടെ കണക്കെടുപ്പ് ആരംഭിച്ചു. ഇത്തരം കെട്ടിടങ്ങൾ നവീകരിച്ച് കൂടുതൽ ചികിത്സാ സൗകര്യങ്ങൾ ഒരുക്കാനും ആവശ്യമായ ജീവനക്കാരെ നിയമിക്കാനുമാണ് ആരോഗ്യവകുപ്പ് ലക്ഷ്യമിടുന്നത് എന്നാണ് ലഭിക്കുന്ന റിപ്പോർട്ട്.

ഓരോ ജില്ലയിലും മന്ത്രിയുടെ അധ്യക്ഷതയിൽ പ്രത്യേക ജനസമ്പർക്ക യോഗങ്ങൾ സംഘടിപ്പിക്കും. ജനപ്രതിനിധികൾ, ആരോഗ്യ പ്രവർത്തകർ, ആശുപത്രി അധികൃതർ, പൊതുജനങ്ങൾ എന്നിവരിൽ നിന്ന് നേരിട്ട് അഭിപ്രായങ്ങളും നിർദേശങ്ങളും ശേഖരിക്കും. ഈ മാസം 9ന് കോഴിക്കോട് ജില്ലയിൽ ആദ്യ പരിപാടി നടക്കും.

സംസ്ഥാനത്തെ പല ആശുപത്രികളിലും കിടക്കകളുടെ അഭാവം മൂലം രോഗികൾക്ക് ബുദ്ധിമുട്ട് നേരിടേണ്ടിവരുന്ന സാഹചര്യത്തിലാണ് പുതിയ പദ്ധതി നടപ്പാക്കുന്നത്. നിലവിലുള്ള സൗകര്യങ്ങൾ കൂടുതൽ ഫലപ്രദമായി ഉപയോഗിക്കുന്നതിലൂടെ ഇത്തരം പ്രശ്നങ്ങൾക്ക് പരിഹാരം കാണാനാകുമെന്നാണ് ആരോഗ്യവകുപ്പിന്റെ പ്രതീക്ഷ.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്