പിണറായി വിജയന്റെ വീട്ടിലെ ഇഡി റെയ്ഡ്; 12ാം തവണയും മൗനം തുടർന്ന് മുഖ്യമന്ത്രി

MAY 28, 2026, 9:32 AM

കോഴിക്കോട്: മുൻമുഖ്യമന്ത്രിയും പ്രതിപക്ഷ നേതാവുമായ പിണറായി വിജയന്റെ വീടുകളിലെ ഇഡി റെയ്ഡും തുടർന്നുണ്ടായ അക്രമ സംഭവങ്ങളിലും പിന്നെയും പ്രതികരിക്കാതെ മുഖ്യമന്ത്രി വി.ഡി. സതീശൻ.

സംഭവത്തിലെ പൊലീസ് വീഴ്ചയും നടപടികളെ നിയമപരമായി തന്നെ കൈകാര്യം ചെയ്യുമെന്ന സിപിഐഎം പ്രതികരണവും പൊതു സമൂഹം ചർച്ച ചെയ്യുമ്പോഴും ഈ വിഷയത്തിൽ മുഖ്യമന്ത്രി വി.ഡി. സതീശൻ മൗനം തുടരുകയാണ്.

ഇന്നലെയും ഇന്നും കൂട്ടി പന്ത്രണ്ട് തവണയാണ് ഈ വിഷയത്തിലെ പ്രതികരണം തേടി മാധ്യമങ്ങൾ വി.ഡി. സതീശൻ്റെ മുന്നിലേക്ക് എത്തിയത്. ഇന്നലെ ഡൽഹിയിൽ അഞ്ച് തവണയും ഇന്ന് കേരളത്തിൽ ഏഴ് തവണയുമാണ് മാധ്യമങ്ങൾ വി.ഡി. സതീശൻ്റെ പ്രതികരണം തേടിയത്.എന്നാൽ ഒരു തവണ പോലും വിഷയത്തിൽ പ്രതികരിക്കാതെ മുഖ്യമന്ത്രി മൗനം തുടരുകയാണ്.