ഇടിച്ചു തെറിപ്പിച്ചത് 13 വാഹനങ്ങള്‍; കൊച്ചിയിൽ മദ്യപിച്ചു വാഹനമോടിച്ചു യുവാവിന്റെ പരാക്രമം

AUGUST 9, 2025, 2:53 AM

കൊച്ചി: കൊച്ചി നഗരത്തില്‍ മദ്യലഹരിയില്‍ കാറോടിച്ചു നിരവധി വാഹനങ്ങൾ ഇടിച്ചിട്ട് യുവാവിന്‍റെ പരാക്രമം. ഇന്നലെ അര്‍ധരാത്രി കുണ്ടന്നൂരിലായിരുന്നു സംഭവം. കൊല്ലം അഞ്ചല്‍ സ്വദേശി മഹേഷ് കുമാറാണ് അതിക്രമം കാട്ടിയത്.

കുണ്ടന്നൂരില്‍ നിര്‍ത്തിയിട്ടിരുന്ന 13 വാഹനങ്ങള്‍ ഇടിച്ചു തെറിപ്പിച്ചത് ആണ് ഇയാൾ മദ്യലഹരിയിൽ കാറോടിച്ചത്. സഹോദരിക്കും പെണ്‍സുഹൃത്തിനുമൊപ്പം കൊല്ലത്തേക്കുള്ള യാത്രയിലായിരുന്നു മഹേഷ് എന്നാണ് ലഭിക്കുന്ന വിവരം.

അപകടമുണ്ടാക്കിയതിന് പിന്നാലെ നാട്ടാകാര്‍ മഹേഷിനെ ത‍ടഞ്ഞുവച്ചു. ഒടുവില്‍ മരട് പൊലീസെത്തി ആണ് ഇയാളെ കസ്റ്റഡിയിലെടുത്തത്. മദ്യപിച്ച് വാഹനമോടിച്ചതിനും അപകടമുണ്ടാക്കിയതിനും ഇയാള്‍ക്കെതിരെ കേസെടുത്തു എന്നാണ് ലഭിക്കുന്ന വിവരം.