തിരുവനന്തപുരം: ശക്തമായ വേനൽച്ചൂട് തുടരുന്നതിനാൽ സംസ്ഥാനത്ത് പച്ചപ്പുല്ലിന്റെ ലഭ്യത കുറഞ്ഞു. ഇതിന്റെ ഫലമായി പശുക്കളുടെ പാലുത്പാദനവും താഴ്ന്നതോടെ മിൽമ വിതരണം ചെയ്യേണ്ട പാലിൽ വലിയ കുറവ് അനുഭവപ്പെടുന്നു എന്നാണ് പുറത്തു വരുന്ന കണക്കുകൾ വ്യക്തമാക്കുന്നത്. ദിവസേന ഏകദേശം 18.5 ലക്ഷം ലിറ്റർ പാൽ വിപണിയിൽ എത്തിക്കുന്ന മിൽമയ്ക്ക് ഇപ്പോൾ ആറു ലക്ഷത്തിലധികം ലിറ്ററിന്റെ കുറവുണ്ടെന്നാണ് കണക്കുകൾ.
ഈ കുറവ് പരിഹരിക്കാൻ മറ്റ് സംസ്ഥാനങ്ങളിലെ സഹകരണ ഡയറി സ്ഥാപനങ്ങളിൽ നിന്നാണ് പാൽ എത്തിക്കുന്നത്. പ്രധാനമായും കർണാടക, ആന്ധ്ര പ്രദേശ്, മഹാരാഷ്ട്ര തുടങ്ങിയ സംസ്ഥാനങ്ങളിലെ ഡയറിയുകളിൽ നിന്നാണ് ഇപ്പോൾ പാൽ വാങ്ങുന്നത്. പാൽ മാത്രമല്ല, തൈര്, നെയ്യ് തുടങ്ങിയ അനുബന്ധ ഉൽപ്പന്നങ്ങളുടെ നിർമ്മാണത്തിനും അധികമായി പാൽ ആവശ്യമായി വരുന്നതും സമ്മർദം കൂട്ടുന്നു.
തമിഴ്നാട് ഉൾപ്പെടെ സമീപ സംസ്ഥാനങ്ങളിലും പാലുത്പാദനം കുറഞ്ഞതിനാൽ അവിടുത്തെ വിതരണവും പരിമിതമായിരിക്കുകയാണ്. തിരുവനന്തപുരം മേഖലയിൽ മാത്രം പ്രതിദിനം ആറു ലക്ഷത്തിലധികം ലിറ്റർ പാൽ വിൽപ്പനയുണ്ടെങ്കിലും അവിടെ ഏകദേശം രണ്ടര ലക്ഷം ലിറ്ററിന്റെ കുറവാണ് അനുഭവപ്പെടുന്നത്. മുമ്പ് മലബാർ മേഖലയിൽ നിന്നാണ് ഈ കുറവ് നികത്തിയിരുന്നത്. എന്നാൽ അവിടെയും ഉത്പാദനം കുറഞ്ഞതോടെ അവസ്ഥ കൂടുതൽ സങ്കീർണ്ണമായി എന്നാണ് പുറത്തു വരുന്ന റിപ്പോർട്ട്.
വേനൽചൂട് ഇനിയും കൂടുന്ന സാഹചര്യത്തിൽ അടുത്ത ദിവസങ്ങളിൽ പുറത്തുനിന്ന് കൂടുതൽ പാൽ എത്തിക്കേണ്ടി വരുമെന്നാണ് വിലയിരുത്തൽ. ഉയർന്ന താപനിലയും തീറ്റയുടെ കുറവും ചേർന്നതാണ് സംസ്ഥാനത്ത് പാലുത്പാദനം കുറയാൻ പ്രധാന കാരണം.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20251128035151.jpg)
-20260319083043.jfif)
-20260319082610.jpg)
-(1)-20250801021249.jpg)
-20260101084443.jpg)
1-20260319065706.jpg)
1-20260318113827.jpg)
